Grunneigar på Hella var i kontakt med meg og gav beskjed om at han ikkje ville ha turgåarar på privatvegen eller gjennom eigedomen sin lenger. Det lyt vi berre respektere.
Syril trim vil:
Med mindre du går opp frå andre stadar, ikkje ta turen til Vassvarden inntil vidare.
Stor aktivitet på banao på onsdag 25.04.18. G11 spelte kamp mot ÅTIL, vann 5-2. Gutalaget spelte 2-2 mot Sogndal 2. 8 av våre trenar trenarkurs med instruktør Marius L Bøe frå kretsen. I tillegg vart det gjennomført fleire treningar i løpet av kvelden.
Fotball er sosialt og moro!
Har du ikkje kontantar på deg når loddseljarane våre kjem på besøk, kan du betale med Vipps. Berre hugs å merke betalinga med KO-lodd.
No er vårvarmen på veg og Syril Trim er klar med ein ny sesong. Klyppekorta kan kjøpast hjå Små Livsgleder og Erling Røysum AS. Betal kontant eller med Vipps til 88235 med teksten «Trim», og du får utlevert kort:
Korta kan kombinerast. Har du begge korta med deg rundt på dei 20 hovudpostane, treng du berre 10 ekstra klypp/turar for å få fullt Trim 30-kort.
I 2017 la vi ut 5 ekstra klyppetenger. Desse er plassert slik at dei med Trim 30-kortet får fleire korte turar å velje mellom. I tillegg til hovudpostane, kan ein med Trim 30-kortet klyppe her:
Som tidlegare år blir det trekning av premiar på innleverte kort sesongen er avslutta. Salet av kort – kostnaden for korta går til premiar. Før innlevering hugs å skrive namn og tlf.nr på baksida av kortet.
Trim 30 junior: Det blir eigen trekning for barn fødd i 2003 og seinare blant Trim 30-kort med minimum 20 klypp. Hugs å skrive fødselsåret til barnet i tillegg til namn og tlf.nr på baksida av kortet.
Sidan det pågår arbeid i Huksdalen, har vi valt å fjerne posten på Nyastølen. Klyppetanga frå Nyastølen blir flytta til Skoparsete. Har du Trim 30-kortet i år, får du eit klypp for turen dit. Meir informasjon om trimmen finn de på sida vår.
Det blei oppdaga sprekker i ei mast under vedlikehold av skiheisen på torsdag. Dette medfører at me må demontere masta ved påstigning.
Det betyr desverre at me ikkje kan ha åpent i påsken som planlagt. Heisen blir ute av drift resten av sesongen.
Referat frå årsmøtet 27.02.2018
Eit par presiseringar:
| 2016 | 2017 | |
| Styret | 674 035 | -39 265 |
| Feilføring | – 333 000 | 333 000 |
| Resultat | 341 035 | 293 735 |
| Årsresultat | 998 684 | 142 826 |
| Feilføring | – 333 000 | 333 000 |
| Årsresultat | 665 684 | 475 826 |
Syril fotball planlegg å få gjennomført Grasrottrenaren delkurs 1 for våre trenarar vis det er tilstrekkeleg med deltakarar, kurset vert onsdag 25. april og onsdag 2. mai kl 17.30.
Kurset er eit lågterskelkurs for breiddetrenarar – alle kan og bør ta kurset. Vi vil oppfordra alle våre trenarar som ikkje har dette til å delta. Det vil gi auka kompetanse, motivasjon og tryggleik i treningsarbeidet. Samtidig skal dette vere ein sosial arena der ein kan lære av kvarandre og utvikle samhald i klubben.
Nytt av året er at teoridelen i Grasrottrenarkurset no er e-kurs som deltakarane gjennomfører i forkant av kvar samling. Kurset vert gjennomført over to kveldar og består av ei kort oppsummering av teoridelen på 1 time og ein praktisk del på ca. 2 1/2 time. Kretsen stiller med høgt utdanna trenarar som står for gjennomføringa av kurset.
Gje tilbakemelding om de ønskjer å delta på kurset til Steinar Røysum, tlf 90145370 eller e-post s-roysum@frisurf.no snarast mulig og seinast innan 18. april. Når kurset nærmar seg, vil de få tilsendt informasjon om påmelding via nett og e-kursa.
Meld dykk på dette vert nokre kjekke og nyttige kvelder på banao!
Les om trenarutdanninga NFF Grasrottrenaren. Obs! her står det feil på antall timar, kurset er på ca 8 timar.
Onsdag 18. april vil Syril fotball arrangere trenarforum, med trenarutviklar i Sogn og Fjordane fotballkrets Marius Lenni Bøe.
Marius har lang erfaring som trenar, seinast som ein del av trenarteamet til Sogndal i Eliteserien. Det vert ein dialog/teoridel på 45 min, deretter 60 min treningsøkt på bana med småguttelaget.
Syril fotball oppfordra alle våre trenar til å stille, her vil det vera mange gode tips og impulsar å henta for alle.
Oppstart kl 18.00 på Barneskulen.
På årsmøte for Syril fotball vart det vedteke at treningsavgiftene blir uendra frå 2017.
| Klasse | Beløp |
| Senior herrar | 3.000 |
| Senior damer | 1.650 |
| Aldersbestemt | 1.650 |
| Aldersbestemt 9-10 år | 600 |
| Miniputtfotball | 500 |
Kontonummer: 3781 14 13101 eller Vipps 111103
Merk innbetalinga med: Treningsavgift <år> og spelarnamn
Spelarar som ikkje har betalt får ikkje spela!
NB! Alle må betale medlemsavgift i tillegg.
Syril 