21. mars vart det gjennomført årsmøte i Syril. Møtet vart halde på Leikanger fjordhotell. Det møtte representantar frå alle gruppene i laget.

Val

Det vart gjennomført val og valkomiteen hadde gjort ein god jobb i å få namn bak verva som stod ledige. Torill Felde, som var leiar for valkomiteen, tykte dette gjekk så fint, at ho til like greit takka ja til å halde fram som leiar :).

I år var det mange som takka ja til å halde fram med vervet sitt, noko som er veldig gledeleg og godt for samarbeidet i gruppa. Men, nokre valde å takke for seg etter lang og tru teneste, og vi ynskjer spesielt å takke Karl Erik Johnsen for den gode innsatsen han har lagt ned i Syril alle desse åra han har vore med. Men, heilt ute av Syril er han ikkje, då han takka ja til å framleis sitte i prosjektgruppa for KO. Den fulle oversikten over kven som er vald inn i Syril ser de lenger nede.

Arbeid framover i Syril

Referatet frå møtet ligg tilgjengeleg, men nokre av hovudpunkta frå møtet var at det framover vil bli jobba med å få på plass klubbhus på Syril stadion og oppgradering av skihytta på Kleppa. I tillegg fekk vi på plass ei ny særgruppe i Syril, og vi ynskjer Martin Stølen og volleyballgruppa velkommen som eiga gruppe i klubben.

Det vil framover også bli lagt ned ein innsats i å tydleggjere kva Syril som fleiridrettsklubb står for, og gjera det lettare å få oversikt over kva vi tilbyr som klubb. Arbeidet vil ende opp i ein handlingsplan for klubben, som vi håpar å få presentert til hausten. Her vil det bli lagt opp til ei brei involvering av alle i hovudstyret, men vi vil også oppfordre medlemmane elles til å komme med innspel.

Innvalde i Syril hovudstyre

Syril hovudstyre
Leiar	Elianne Eggum
Nestleiar	Sindre Ramung (ny)
Kasserar
Styremedlem	Ronny Rydningen
Styremedlem	Olav Øyen (ny)
Leiarar i særgruppene
Friidrett	Torhild Brudvik
Handball	Olav Haugen
Fotball	Erlend Husabø
Ski	Inga Henjum Halsnes
Volleyball	Martin Stølen
Trim	Eva Hamre

Referat og årsmelding

Referat/protokoll årsmøte 2024

Årsmelding Syril 2023

«Alle med oppgåver i idretten som inneber eit tillits- eller ansvarsforhold til mindreårige eller mennesker med utviklingshemming, skal syne fram politiattest.» I tillegg skal alle trenarar ha gjennomført trenarattest.

I 2021 vart det vedteke av idrettstinget at det er obligatorisk for alle trenarar å ta Trenarattesten. Trenaratttesten tek deg gjennom dei viktigaste oppgavene og forventningane til deg som trenar. I tillegg får du tilgang til ei ressurside som kan nyttast etter behov.

Trenarattesten er delt inn i tre nivå – ein for trenarar i barneidretten, ein for trenarar i ungdomsidretten og ein for trenarar i vaksenidretten. Du tek attest for det nivået du trenar. Husk å knytt attesten opp mot Syril. Det tek kun 10-20 min å gjennomføre Trenarattesten. Kanskje passar det å ta attesten no?

Gå til Trenarattest: https://www.idrettsforbundet.no/digital/trenerattest/

Gå til Politiattest:
https://www.idrettsforbundet.no/tema/politiattest/

Les meir om politiattest i Syril:
https://syril.no/idrettslaget/politiattest/

Har du vist fram politiattest, og gjennomført Trenarattest, men det syner ikkje i MinIdrett? Ta kontakt med gruppeleiaren din, så ordnar vi det.

Kleppaheisen er open i morgon kl. 11.30-16.

Det minkar på snøen, men det er nok til å ta nokon grabs og ollies! Det er nokon snøfrie flekkar her og der, spesielt i dei brattaste partia, så det blir sett opp litt sperringar rundtom.

Det er meldt mildvêr og mykje nedbør framover, og i kveld kan vera siste dagen trekket held opent for sesongen. Det er framleis mars, og vi veit av erfaring av snøen fort kan komme attende, men lit du på det?

Ta turen til Kleppa i kveld! ⛷️