Kategoriarkiv: Syril
Årsmøte i Idrettslaget Syril 26. mars
Årsmøtet i Syril var torsdag 26. mars kl. 19-21 på Statens Vegvesen/Digdir i Askedalen 4.
Saker:
- Konstituering
- Opning
- Godkjenning av innkalling
- Val av ordstyrar, referent og to til å godkjenne møtebok
- Godkjenning av årsmelding
- Godkjenning av årsmelding og rekneskap for inkluderingsfond
- Godkjenning av rekneskap
- Medlemskontingent 2027
- Investering kunstgrasbane og lysanlegg
- Budsjett
- Val
Frist for saker til årsmøtet var 12. mars. Spørsmål om møtet kan rettast til post@syril.no
Protokoll frå årsmøtet:
Sakspapir:
Mesternes Mester i Leikangerhallen
Tysdag samla Syril rundt 50 engasjerte handballspelarar til ei fartsfylt og kjekk utgåve av Mesternes Mester i Leikangerhallen.
Her fekk spelarar på tvers av aldersgrupper bryne seg på leikar, stafettar og konkurransar fordelt på sju ulike stasjonar – alt med fokus på samarbeid, innsats og ekte idrettsglede.
Kvelden starta med felles oppvarming før laga blei presenterte. Deretter gjekk det slag i slag med lagstafettar, hinderløype, presisjonskast, klatring og fleire utfordringar som krevde både styrke, tempo og godt lagarbeid. Heile vegen var det lagt vekt på å heie fram kvarandre, hjelpe laget og vise fair play – minst like viktig som å samle poeng.
Etter finalen og ei spanande poengoppsummering, runda me av med pizza, premieutdeling og loddtrekning – ein sosial og hyggeleg avslutning for både store og små.
Ein ekstra stor takk går til Linda og Tor Einar, som har stått bak både idé og gjennomføring av arrangementet.
Takk til alle deltakarar og hjelparar som gjorde dette til ein super ettermiddag i hallen! Takk til sponsorane som støtta oss med gevinstar – Intersport Sogndal, Kiwi Leikanger og Sparebank1 Sogn og Fjordane.
Vi gler oss allereie til neste gong!
Medlemsavgift 2026
Faktura er sendt ut. Syril aukar ikkje medlemsavgifta for 2026, vi held ho på same nivå som i 2025. Du kan lese meir om medlemsavgift her.
Årsmøte Syril fotball
Vel møtt til årsmøte for Syril fotball, torsdag 5. mars klokka 18:00 på Statens hus.
Agenda:
- Status frå styret og gjennomgang av årsmelding
- Budsjett
- Status for nytt kunstgras på Syril stadion
- Innmeldte saker
Frist for innsending av saker til årsmøte er onsdag 25. februar. Saker sendast til erlend.husabo@digdir.no
Helsing Styret i Syril fotball
Klepparennet 2026, 8.februar
Søndag 8. februar kl. 12 er det duka for skicross på Kleppa! Rennet blir gjennomført som skicross, i ei kompakt, men artig løype på ca 1km.
Snøforholda begrenser oss litt, men me gjer det beste ut av det.
Arangementet vil bli arrangert som ein sprint med prolog og individuell start, og deretter blir det satt opp heat fra klasse 11 år og eldre. Klassane 11 år og yngre vil òg få moglegheit til å gå fleire gonger.
Me ser fram til ein strålande dag på Kleppa, med masse leik og moro på ski.
Tre nye år med Sognekraft som hovudsponsor!
Syril er glade for å kunne kunngjere at vi har inngått ny treårig hovudsponsoravtale med Sognekraft for 2026-28!
Sognekraft sin visjon er å vere ei drivkraft i Sogn. Gjennom hovudsponsoravtalen bidreg Sognekraft til Syril sitt arbeid med å tilby idrett for alle, og set krefter i sving på Leikanger. Vi set stor pris på dette samarbeidet!
Hovudsponsoravtalen dekkar profilering på Syril sine aktivitetar, anlegg og arrangement, deriblant Kjeringi Open og Stavsete skifest.
Årets Syril-kalender
Våre flotte småjente- og smågutespelarar går rundt i bygda i desse dagar for å selje. Ta vel imot dei og kjøp årets kalender med flotte premier!
Dersom du ikkje er heime når dei kjem ordnar me sjølvsagt kalender.
Innkalling til ekstraordinært årsmøte i Syril
Tid: Tysdag 2. desember kl. 19
Stad: Skrivarvegen 2 (Digdir) / Teams
Agenda
Sak 1: Godkjenning av investeringsprosjekt for kunstgrasbana og det tilhøyrande lysanlegget
Protokoll frå ekstraordinært årsmøte:
Syril volleyball i farta!
Syril volleyball har hatt eit innhaldsrikt år, og gruppa har utvikla seg i takt med dette.
Dei fleste kjenner nok til Syril volleyball som eit enkelt tilbod under trimgruppa. Men, i 2024 vart volleyball etablert som ei eiga særgruppe, og har sidan då brukt mykje tid på planleggje og byggje opp nye tilbod. Dette har resultert i at vi no etablerer eit A-lag, tilbod for minivolleyball for born, tilbod til asylmottaket og etterkvart ein open hall for ungdom. Dette har vi gjort samtidig som vi har behaldt trim og moro for alle og einkvar.
Styret for 2025 er: Martin F. Stølen (leiar), Christian Kleiven (nestleiar), Paula Snook (sportsleg leiar), Brage Navarsete (sandvolleyball), Anatolii Yashyn (integrering) og Borgtor Bøyum (kasserar).
Noko av det som har skjedd så langt i år er:
- A-laget er no under etablering, og har i haust vorte invitert til å spele treningskampar mot fleire av dei etablerte laga i området, med motstand på 2. og 3. divisjonsnivå. Kjempegøy at vi har ein kjerne på 10–15 spelarar som er interesserte i dette. Vi jobbar no med å finne eit opplegg for meir fast seriespel, anten i lågaste divisjon eller i eigen regionserie/turnering.
- Vi har jobba mykje med integrering, og har ein eigen representant frå Ukraina i styret som arbeider opp mot asylmottaket. Heile året har vi hatt stor interesse og deltaking frå mottaket. Dei er så mange at dei har eiga bane kvar trening. Dette er unge og vaksne frå heile verda, som finn trening, avkopling og samhald hos oss i Syril.
- Våren 2025 prøvde vi ut treningar med minivolleyball som ein del av fleiridretten for fleire av dei yngre kulla. Minivolleyball er utvikla av NVBF, med Kåre Mol i spissen, som eit pedagogisk og allsidig opplegg for å få born interesserte i balleik over nett. Vi gjennomførte òg eit trenarkurs på Leikanger i regi av NVBF, og har fått eigne lette minivolleyballar, longnett og anna utstyr gratis frå forbundet. Denne vinteren håpar vi å introdusere meir minivolleyball for dei kulla som er interesserte.
- Vi planlegg å starte opp med treningar retta mot ungdom måndags ettermiddagar. Meir informasjon om det kjem på Facebook, på Syril.no og informasjon på ungdomsskulen i løpet av dei næraste vekene.
Volleyballgruppa trenar denne sesongen tysdagar og torsdagar 20:00–22:00, med tre baner parallelt: A-laget, open klasse/trim og asylmottaket. Vi har ofte 20–30 spelarar på trening – det er inspirerande.
Velkomen på trening, uansett nivå, for alle frå 13 år og oppover!
Styret i Syril Volleyball
