Idrettens Skadetelefon skal ivareta utøvarar sitt behov for behandling, rådgjeving og oppfølging ved skade. Det er no laga ein animasjonsfilm som forklarer kva Skadetelefonen er og korleis det fungerer ved skade:
Meir info om Idrettens Skadetelefon og Idrettens helsesenter finn de her, https://www.idrettshelse.no/.
Syril har eiga side om fotballskade her.
Syril arrangerer Tine fotballskule på Syril stadion mandag 13 mandag til torsdag 16 august. Det er enno att ledige plasser!
Helsing
Steinar
Hugs påmelding til Tine Fotballskule 2018!
Syril Trim er på jakt etter bilete til trimkorta for 2019. Ta med mobil eller kamera og finn gode turmotiv. Det treng ikkje vere storslagen utsikt, turopplevinga kan vere mykje anna.
Blinkskota dine sender du i full storleik, på e-post, til trim@syril.no
Tips! Ta bilete med mobilen liggande…
Sogn og Fjordane fotballkrets ønskjer også i år å sette fokus på dei gode hendingane i fotballkvardagen som gjer fotballbana til ein betre stad å vere for store og små med kåring av Månadens Fair play.
Basert på innsende forslag kårar kretsen kvar månad i sesongen (mai, juni, august, september) ein vinnar. Det er viktig at nettopp DU engasjerer deg, og sender kretsen forslag på gode opplevingar du har hatt på eller ved fotballbana.
Send DITT forslag med ei kort grunningiving på Månadens Fair play til: hildegunn.hove@fotball.no innan den 30. i kvar månad i sesongen, og vedkomande er med i kåringa.
Vinnaren får besøk, premie og behørig merksemd frå representantar frå NFF Sogn og Fjordane, og det blir publisert på kretsen sine nettsider og Facebook.
Kretsen ser fram til å høyre dei gode historiane! 🙂
Sundag 10. juni vart det arrangert Kongleriket miniputt turnering på Syril stadion. Om lag 450 spelarar frå Syril, Sogndal, Norane, Bjørn og Luster/Fanaråk sørga for god stemning og mange fine skåringar!
Starten på turen til Vassvarden er flytta 500 meter frå ferjekaien på Hella, i retning Leikanger. Inntil vidare parkerer ein på Hella.
Skilt er sett opp i hagen like etter det siste huset, på oppsida av vegen, før du kjem til Hella. Skilta leier deg inn på ein gamal kjerreveg som går opp til garden Vesterheim. Etter ca 100 meter kjem du til ei hjortegrind. Pass på å lukke ho etter deg.
Kjerrevegen går sikksakk opp lia. Omtrent halvveges kan du stikke ut på svaberga og få med deg utsikt over fjorden og ferjetrafikken. Oppe på Vesterheim passerer du like under det gamle skulehuset. Etter vel 50 meter i retning garden Vesterheim, kjem du til eit nytt skilt som peikar deg i retning av stien opp til Rud.
Til slutt eit bilete av ryddegjengen. Hardt arbeid utan maskinelle hjelpemiddel som følgje av det tørre, flotte veret vi har hatt i lengre tid:
Stein Dyngen står bak kamera. Per Olav Henjum såg seg rundt på Vesterheim og var ikkje med på bilete.
Bli med på Grasrottrenarkurs del 2 “Barnefotball – flest mulig med kvalitet ”.
Kretsen vil gjennomføra Grasrottrenarkurs delkurs 2 i heile Sogn. Kurset består av to samlingar på ca 4 timar på kvar samling. I tillegg kjem eit e-kurs som deltakarane gjennomfører i forkant av kvar samling på ca 1/2 time. Kurset vert gjennomført på Kaupanger onsdag 20 juni og andre samling på Leikanger onsdag 27 juni.
Gje tilbakemelding om de ønskjer å delta på kurset til Steinar Røysum, tlf 90145370 eller e-post s-roysum@frisurf.no så snart som mulig og seinast innan 18. juni, så vil de få tilsendt informasjon om påmelding via nett og e-kurs info.
Håper fleire av våre trenarar som ikkje har dette ser seg tid til å ta dette.
Les om trenarutdanninga NFF Grasrottrenaren
NB! Her står det feil på antall timar, kurset er på ca 8-9 timar.
Syril betaler kursavgifta.
Sida om Tine fotballskule 2018 er oppdatert.
Fotballskulen startar måndag 13. august og varer til og med torsdag 16. august. Det er fotballskule frå kl 10.00 til 14.30.
Deltakaravgifta er sett til kr 800 per deltakar, men med reduksjon til kr 450 for barn nummer to (eller fleire) i same familie (søskenmoderasjon). Bindande påmelding, med innbetaling av deltakaravgifta til konto 3781 14 13101 seinast 30. juli 2018.
Hugs å skrive på deltakarinformasjonen (namn og årskull)! Det er også viktig at de som foreldre skriv på telefonnummer slik at me kan nå dykk på i tilfelle det skulle skje noko med barnet dykkar.
Søndag er Syril stadion møteplassen i bygda!
Kiosken vert open og det blir grilling/god mat i kiosken. Ta lunsjen eller middagen på Syril stadion og sjå ungane/ungdomane våre spele fotball!
Kampprogram:
Innmarsj med musikk for laga, speakerteneste og musikk.
3v3-turnering for miniputtar kl 11.00
Parallelt med kampprogrammet over vert det ei uformell turnering for dei yngste på 3’ar-bane.
Velkommen til ein triveleg fotballsøndag på banao!
Med hjelp av Odd Arve Rakstad og co satsar ein i første omgang på å rydde og merke den gamle kjerrevegen/stien frå Sanden opp til Vesterheim. På Vesterheim kan du velje om du vil gå etter merka sti opp til Ruud eller tilbake til Flete. Som du ser av kartet vil det siste bli ein omveg når ein skal opp på Vassvarden.
Planen er at det blir ein ryddeaksjon på måndag 4.6.2018 kl 16:00. Ein del mann med 4 motorsager har allereie meldt seg. Ein reknar med at jobben er gjort i løpet av kvelden. Vil du hjelpe til er det berre å ta kontakt på trim@syril.no.
Syril 