Alle innlegg av Birte Andersen

Syril

Syril julekalendar

Salet av julekalendaren er rett rundt hjørnet!

Det vert sal av julekalendar i Saften kl. 15.30 – 17.30 mandag til fredag i veke 48. I tillegg vil du få kjøpt kalendaren heile laurdag 21.november, og dersom det er att, laurdag 28.november.

Det vil og vere mogeleg å få kjøpt kalendaren hjå Erling Røysum AS og på Gartneriet.

Merk: Kun vipps – betaling!

Løp og kjøp 🙂

Friidrett

Sirkeltrening startar opp att i Saften fredag kl. 19-20

Sirkeltrening etter tradisjonelt opplegg, opent for alle.

Vi gjer nokre enkle tilpassingar for å følgje smittevernreglar. I tillegg til dei tre grunnleggande reglane (heime ved symptom, avstand og vask hender).

  • Kvar deltakar har si matte gjennom heile økta (ei frå hallen eller om ein til ta med si eiga yogamatte eller liggeunderlag).
  • Bom og ribbevegg tørkar vi over mellom kvar deltakar.
  • Deltakarliste frå kvar trening.

Det har vore få deltakarar siste åra, så vi må vurdere om vi skal halde fram med sirkeltreninga, men vi startar no på fredag og ser. Torunn Grut (torunn,grut@vlfk.no) vil gjerne ha ei melding frå dei som vil vere med slik at ho veit om lag kor mange vi blir. Gje gjerne ei melding sjølv om du ikkje blir med no fredag, men truleg blir med seinare.

Fotball, Friidrett

Vinterdugnad på nye stadion

Det vert dugnad på bana 31.oktober. Førebels tidspunkt er kl.10.00, me ventar at mykje er gjort på 3 timar.

Det er litt forskjellig som skal gjerast. Det handlar om å gjere anlegget klart for vinteren. Nils Magne og Jørgen er kontaktpersonar for dugnaden.

Me skal:

  • Fordeling av grus på sørside
  • Opprydding og vassvegar under klubbhus
  • Stenging av veg inn til bana
  • Flytting av fresemassar, evt utlegging om me har eit område som er klart
  • Sandhaug ved snuplass utanfor bana

Så grapse, spade, rake, kost er gode reiskapar. Om nokon har ei trillebår er det fint også.

Dei som har anledning til å stille, kan melde seg til Jørgen, jorgen.eikenes@disfva.no

Kan elles opplyse om at dugnaden med rulleplenen sparte Syril for 230 000 kr! Ikkje dårleg for ei helg med dugnad.

Ski

Syril kallar inn til «Før snøen kjem-dugnad» på Kleppa laurdag 17. og 24. oktober 2020

Vi har mykje å gjere på Kleppa for å gjere klar løype, bakke og skitrekket, så vi treng god bemanning begge dagar.

Send melding kva dag du stiller! Vi treng oversikt over kor mange som kjem og kva utstyr dei har for å planlegge dugnaden.

Dugnaden startar kl. 10:00 og varer til 15:00 begge dugnadsdagar.

Oppgåver

• Kutte tilvekst av vegetasjon i alpinbakke, trekktrace og lagrennsløype (det gror godt så vi treng mange til dette).

• Vedlikehald av grøfter i langrennsløypa.

Ta med:

• Matpakke og drikke (Vi samlast for mat i gapahuken kl. 12.30).

• Ryddesager, motorsager og handsager (vedsager og greinsaker). NB! Hugs verneutstyr.

• Hanskar, hørselsvern

Syril held miljøbensin til motorsag/ryddesag.

Vi treng mange ryddesager og 2-3 motorsager kvar dugnadsdag. Den som bruker eiga motorsag/ryddesag får den reparert for inntil kr. 1000,- om den havarerer under bruk på Kleppa.

For å ha kontroll på kapasitet/utstyr, ber vi alle gi melding om kva dag (ar) du kjem, og kva utstyr du tek med! Send melding til katrinerwilson@gmail.com

Bli gjerne med begge dagar.

Fotball

Kongleriket miniputt-turnering 10. juni

Sundag 10. juni vart det arrangert Kongleriket miniputt turnering på Syril stadion. Om lag 450 spelarar frå Syril, Sogndal, Norane, Bjørn og Luster/Fanaråk sørga for god stemning og mange fine skåringar!

Fokus for dagen var sunt kosthald. Med sponsa produkt frå Bama vart det laga til sunne og tilbydane fruktkoppar og andre matvarer. Det var stor aktivitet i kiosken gjennom heile turneringa.
Det var framifrå stemning heile dagen, både ungar og vaksne såg ut til å ha ein kjekk fotballdag! Syril fotball vil takke alle som har bidrege til å lage eit flott arrangement!