Handball

Handballmoro i Leikangerhallen

Laurdag 12.desember var Syril handball arrangør for handballturnering med jenter og gutar født i 2006.

12 lag frå klubbane Syril, Vik, og Bjørn deltok. Dei mange frammøtte på tribuna fekk med seg god handball med mange flotte scoringar, gode redningar, speleglede og ikkje minst fair play. Det vart spela 25 kampar og scora omlagt 250 mål.

Til tross for at dei berre har spelt handball i eit par månader, viste mange gode ferdigheiter. Det kan tenkjast at handball- VM i Danmark har gitt dei både inspirasjon og engasjement for idretten.

Ei stor takk til dommarar, sekretariat, kiosk og alle andre som la ned ein stor dugnadsjobb for å få gjennomført eit godt arrangement.

img 8705
20151212 120338 resized
20151212 134434 resized
img 8651
Langrenn

Tur til Hemsedal

Første helga i desember reiste langrennsgruppa i Syril til Hemsedal, heimplassen til hovudtrenaren vår Simen Bækken, for å førebu sesongen. Andreas og Klaus, Erlend, Sverre og Trygve nytta både skøyteskia og dei klassiske skia i dei preparerte langrennsløypane på Gravset. Laurdagen fekk Sverre og Trygve testa forma i sesongen første skirenn, men smøreteamet var ikkje heilt førebudd. Glida var ikkje det beste, men feste var godt på det våte føret (Rode spesial). Ein kjekke tur med god mat og hyggeleg lag!

Handball

Handball i Leikangerhallen 06.12.15

21051206 Handball i Saften

J10 spelte kampar i Leikangerhallen:

  • Sogndal 2 – Syril
  • Jotun/Årdalstangen 2 – Sogndal
  • Syril – Jotun/Årdalstangen
  • Sogndal 2 – Jotun/Årdalstangen 2
  • Sogndal – Jotun/Årdalstagen

Første kamp mot Sogndal 2 vann jentene 3-2 etter ein strålande avslutning. Andre kampen mot Jotun/Årdalstangen enda 4-4

Dommarar på kampane har vore Siv Hicman, Siri Fossøy og Kristine Linde Røyseth.

 

Fotball

Syril tok andreplassen i KM Senior Futsal

Syril-jentene sluttar ikkje å imponere: I KM senior futsal i Førde i dag, kapra dei 2.plassen, hakk i hæl på Balestrand, som blei vinnar med 2 mål meir skåra enn Syril-jentene😊 I seriespelet slo Syril Balestrand jentene, og det var tapet mot Kaupanger 2-0 som "øydela" for at nok eit km gull blei gul-svart. 2. plass-pokal er slett ikkje verst det heller 😁😉

Innebandy

Kom og prøv innebandy

Velkommen til Syril Innebandy!
Me er ein gjeng som spelar bandy ilag for å ha det moro. Me hadde serielag i fjor, men det har mi ikkje no. So me er ikkje med på kampar og trenar ikkje seriøse treningar i forhold til kampar.
So no er det berre for moro!

Her kan alle som vil vera med å spele. God trening er det også.

…

“Kva treng eg for å vere med?”
– Det einaste du treng for å vera med å spele er innesko. Alt anna har gruppa i hallen: køller, vant, mål og ballar.”Når er treningane?”
– Treningstidene våres om våren/sommaren/hausten er:
Tysdag 16:00 – 17:00
Torsdag 16:00 – 17:00
Vinteren:
Måndag 21:00 – 22:00
Torsdag 16:00 – 17:00
“Kvar er treningane?”
– Treningane er i “Saften” på Leikanger, i hallen i 3. etg.“Kan kven som helst vera med å spele?”
– Sjølvsagt kan alle vera med å spele innebandy!
Her er det ingen krav for alder eller ferdigheiter for å vera med.
Dersom ein ynskjer å prøve ein gong, er det berre å ta turen. 

“Kontakt:”

Jon Andreas Amundsen 95237691 epost
Torbjørn Stølen epost
Trim

Besøk på trimpostane

Vinter2015
Skagasete 2. mai 2015

Vinteren 2015 var ei hard nøtt og kjempa hardt for å bli. Utlegging av postane i høgda vart forsinka med ca ein månad. Likevel må ein kunne sei seg godt nøgd med besøket på postane.

I 2014 vart det registrert 14 511 besøk i bøkene. For 2015 er det registrert 13 660 besøk på dei same postane.

Ein nedgong på 851 registreringar er ikkje mykje med tanke på den snørike vinteren. Det har gitt seg utslag ved at nærpostar som Bjørgahaug og posten mellom Frækaland og Kleppa har fått auke i besøktalet.

2015 besøk på trimpostane

Syrstrond Idrettslag