Det blei diverre ingen premieutdeling for skikarusellen i år. Premiane er sett ut for henting i garasjen ved Stukestølen 11 på Dalen. Alle som deltok får premie. Premiane må hentast innan 23.desember.
Informasjon om skikarusell 2021 kjem snart.
Barneskigruppa
Vi gratulerer Syril J13/14 med kretsmeisterskapen. Finalekampane mot Førde 1 enda med siger 1-4 i første kamp, borte. På søndag sikra dei seg 2-2 på heimebane og drog meisterskapen i hamn.
Måndag 16.november var Syril J 13/14 til Førde og spelte den første av to kampar om KM-tittelen. Syril sine jenter vann 4-1. Førstkommande sundag er det ny kamp mot Førde 1, denne gongen på Syril stadion. Så møt opp sundag 22.november kl.14 og hei jentene fram til siger og KM-tittel!
Salet av julekalendaren er rett rundt hjørnet!
Det vert sal av julekalendar i Saften kl. 15.30 – 17.30 mandag til fredag i veke 48. I tillegg vil du få kjøpt kalendaren heile laurdag 21.november, og dersom det er att, laurdag 28.november.
Det vil og vere mogeleg å få kjøpt kalendaren hjå Erling Røysum AS og på Gartneriet.
Merk: Kun vipps – betaling!
Løp og kjøp 🙂
Det har vore ein fantastisk sesong med stor auke i tal selde trimkort, og ikkje minst innleverte trimkort etter endt sesong. Det gjeld både Trim 30 og for dei som tek alle turpostane.
Ekstra gledeleg er at så mange barn/unge har fullført i år. Stor applaus til både barn og foreldre! Vi veit at det krevst både tid og krefter for å kome i mål med så mange turar. Vi gratulerer alle med innsatsen, og håpar at mange av dykk vil vere med neste år!
Premiane er gåvekort à kr 1.000 for turpostane og kr 500 for Trim 30. Ei stor takk til Erling Røysum AS og Små livgleder for delsponsing av premiane, noko som gjer at vinnarsjansen blir større. Dei gjer det òg enklare for oss i samband med sal og innlevering av trimkort.
 |  |
Vi vil og takk dei to andre sponsorane våre, Sogn Røyr og Byggmeister Langeteig & Volldal AS, som støttar aktiviteten vår.
Vinnarar av turposttrimmen og gåvekort à kr 1.000:
Vinnarar av Trim 30 og gåvekort à kr 500:
Sundag 8.november spelar J 13/14 om KM-tittelen. Møt opp på bana førstkommande sundag kl.15 og ver med på å heie jentene til siger.
Sundag 1.november spelar J 15/17 om KM-tittelen. Møt opp på bana førstkommande sundag kl.14 og ver med på å heie jentene til siger.
Sirkeltrening etter tradisjonelt opplegg, opent for alle.
Vi gjer nokre enkle tilpassingar for å følgje smittevernreglar. I tillegg til dei tre grunnleggande reglane (heime ved symptom, avstand og vask hender).
Det har vore få deltakarar siste åra, så vi må vurdere om vi skal halde fram med sirkeltreninga, men vi startar no på fredag og ser. Torunn Grut (torunn,grut@vlfk.no) vil gjerne ha ei melding frå dei som vil vere med slik at ho veit om lag kor mange vi blir. Gje gjerne ei melding sjølv om du ikkje blir med no fredag, men truleg blir med seinare.
Det vert dugnad på bana 31.oktober. Førebels tidspunkt er kl.10.00, me ventar at mykje er gjort på 3 timar.
Det er litt forskjellig som skal gjerast. Det handlar om å gjere anlegget klart for vinteren. Nils Magne og Jørgen er kontaktpersonar for dugnaden.
Me skal:
Så grapse, spade, rake, kost er gode reiskapar. Om nokon har ei trillebår er det fint også.
Dei som har anledning til å stille, kan melde seg til Jørgen, jorgen.eikenes@disfva.no
Kan elles opplyse om at dugnaden med rulleplenen sparte Syril for 230 000 kr! Ikkje dårleg for ei helg med dugnad.
Vi har mykje å gjere på Kleppa for å gjere klar løype, bakke og skitrekket, så vi treng god bemanning begge dagar.
Send melding kva dag du stiller! Vi treng oversikt over kor mange som kjem og kva utstyr dei har for å planlegge dugnaden.
Dugnaden startar kl. 10:00 og varer til 15:00 begge dugnadsdagar.
Oppgåver
• Kutte tilvekst av vegetasjon i alpinbakke, trekktrace og lagrennsløype (det gror godt så vi treng mange til dette).
• Vedlikehald av grøfter i langrennsløypa.
Ta med:
• Matpakke og drikke (Vi samlast for mat i gapahuken kl. 12.30).
• Ryddesager, motorsager og handsager (vedsager og greinsaker). NB! Hugs verneutstyr.
• Hanskar, hørselsvern
Syril held miljøbensin til motorsag/ryddesag.
Vi treng mange ryddesager og 2-3 motorsager kvar dugnadsdag. Den som bruker eiga motorsag/ryddesag får den reparert for inntil kr. 1000,- om den havarerer under bruk på Kleppa.
For å ha kontroll på kapasitet/utstyr, ber vi alle gi melding om kva dag (ar) du kjem, og kva utstyr du tek med! Send melding til katrinerwilson@gmail.com
Bli gjerne med begge dagar.
Syril 