Kategoriarkiv: Trim

Trim

Trimkorta 2018 er i sal

No er vårvarmen på veg og Syril Trim er klar med ein ny sesong. Klyppekorta kan kjøpast hjå Små Livsgleder og Erling Røysum AS. Betal kontant eller med Vipps til 88235 med teksten «Trim», og du får utlevert kort:

  • Kort med alle 20 hovudpostane til kr 100.
  • Kort for 30 klypp (Trim 30) for dei som vil gå på nokre postar, fleire gonger til kr 50.

Korta kan kombinerast. Har du begge korta med deg rundt på dei 20 hovudpostane, treng du berre 10 ekstra klypp/turar for å få fullt Trim 30-kort.

I 2017 la vi ut 5 ekstra klyppetenger. Desse er plassert slik at dei med Trim 30-kortet får fleire korte turar å velje mellom. I tillegg til hovudpostane, kan ein med Trim 30-kortet klyppe her:

  1. Skoparsete (Ny i år. Klyppetang kjem på plass om litt)
  2. Hangsete
  3. Tuftahaug
  4. Raumålsgrindi
  5. Friksdal (Det kan vere lurt å sykle til Flya.)

Som tidlegare år blir det trekning av premiar på innleverte kort sesongen er avslutta. Salet av kort – kostnaden for korta går til premiar. Før innlevering hugs å skrive namn og tlf.nr på baksida av kortet.

Trim 30 junior: Det blir eigen trekning for barn fødd i 2003 og seinare blant Trim 30-kort med minimum 20 klypp. Hugs å skrive fødselsåret til barnet i tillegg til namn og tlf.nr på baksida av kortet.

Turpost 2018
Foto: Kari Kitty Stadheim
Trim 30 2018
Foto: Vilde Rød Knudsen

 

Trim

Endring i trimprogrammet for 2018

Kart over turpostar 2018
Raud og gul stjerne = Dei 20 ordinære turpostane
Blå og gul stjerne = Ekstra trim

Sidan det pågår arbeid i Huksdalen, har vi valt å fjerne posten på Nyastølen. Klyppetanga frå Nyastølen blir flytta til Skoparsete. Har du Trim 30-kortet i år, får du eit klypp for turen dit. Meir informasjon om trimmen finn de på sida vår.

Trim

Trekning Syril Trim

I kveld var det trekning for dei som har delteke og fullført Syril sitt turpostprogram og Trim 30. Premiane i år er gåvekort à kr 1.000 for turpostane og kr 500 for Trim 30. Ei stor takk til Erling Røysum AS og Små livgleder for delsponsing av premiane som gjer at vinnarsjansen blir enda høgare.

Erling Roysum Små livsgleder

Vinnarar av turpost 2017 og gåvekort à kr 1.000:

  1. Rita Steig *
  2. Ingrid Rishovd
  3. Anne Liv Røysum
  4. Kjell Remø
  5. Steinar Fredheim
  6. Linda Grepstad Grinde
  7. Lena Steig
  8. Randi Fikerud Njøs
  9. Hildegunn Høgheim
  10. Ida Bjørk
  11. Ove Andre Slinde
  12. Marie Bremer Remø *
  13. Per Olav Henjum

Vinnarar av Trim 30 og gåvekort à kr 500:

  1. Elisabeth Bernhardsen
  2. Arvid Mellingen
  3. Per Olav Henjum
  4. Linda Føleide Skinlo
  5. Johannes Hamre
  6. Per Høgheim
  7. Heidi Askestad
  8. Torill Felde
  9. Roar Vangsnes *
  10. Bente Olsmo Høgheim *

Vinnarar av Trim 30 (barn) og gåvekort à kr 500:

  1. Vegard Olsmo Oen
  2. Anna Felde Hasund

*) Gåvekort frå Små livsgleder

Premiar er på veg ut til dei heldige vinnarane!

PS! Bli med neste år du òg. Vinnarsjansen er laaaaangt høgare enn for tipping og Lotto.

 

Trim

Topp trimsesong

fivelholaSyril Trim flytta om på eit par postar i høve 2016 og introduserte Hest (1360 moh). Lista for 2017 vart lagt noko høgare. Ikkje uventa, med to lange postar som Kjeringafjell (1314 moh) og Hest på programmet, sokk salet av korta med alle 20 postane.  På den andre sida har salet av Trim 30-korta auka markant. Samla sett passerer vi fjorårets tal på selde trimkort.

Mange har teke turen ut i naturen i Leikanger og mange har valt å dele opplevinga på Facebook-gruppa til Syril Trim. Hald fram med å dele turopplevingar både vinter, vår, sommar og haust! Ikkje gløym å levere nokre av dine bilete til Syril Trim. Kanskje vil ditt bilete pryde eit av korta for sesongen 2018.

Alt vi får inn på sal av trimkort minus kostnaden til korta går til premiar. Både Erling Røysum AS og Små Livsgleder er i år med på «å strekkje pengane» lenger ved å delsponse gåvekorta. Med fleire premiar aukar sjansen for at du blir ein vinnar!

Bruk haustdagane i slutten av oktober og byrjinga av november til å fullføre kort, men hugs for all del å levere inn kort hjå Erling Røysum AS eller Små Livsgleder. Vi hentar  innleverte kort i midten av november.

Erling RoysumSmå livsgleder

Trim

Bilete ditt på trimkort i 2018?

Mange flotte bilete vert posta på Facebook-gruppa til Syril Trim. Vi er på jakt etter bilete til trimkorta for 2018 og treng di hjelp. Sit du med eit blinkskot du meiner kan pryde ein av kortypane neste år?

NB! Pass på at bileta du lastar opp, sender eller deler er i full storleik.

Trim

Innlevering av trimkort

Tursesongen går mot hell, men det framleis god tid att til å få gjort unna dei siste klippa. Erling Røysum Sport AS eller Små Livsgleder er klar til å ta imot kortet ditt.

Hugs å skriva namn og tlf.nr på baksida av kortet. Vi minner om eigen trekning for barn fødd i 2002 og seinare blant Trim 30-kort med minimum 20 klypp. Er du fødd i 2002 og seinare, hugs å skriva fødselsåret bak på kortet.

Syril Trim hentar dei innleverte kort 1. november og det blir trekning i løpet av november.

Du har att 2 månadar til å få på plass dei siste klippa.

Turpost 2017Trim 30 2017

 

Trim

Trim 30 – ekstra tenger ute

ekstra tengerAlle ekstra klyppetenger er no lagt ut for Trim 30. For dei som ikkje kan gå alle 20 turpostane, har ein no fem fleire turalternativ.

  1. Tuftahaug
  2. Hangsete
  3. Friksdal
  4. Nyastøl (i Huksdalen)
  5. Raumålsgrindi

Nokre tips:

  • Gå opp på Fadnastølen, fram til Tuftahaug og f. eks. heim traktorvegen for å få med to klypp på kortet.
  • Sykle fram til Fivelhola eller Flya og gå til Friksdal. Trill heim frå Flya og evt. stikk oppom Dalhjella for eit tredje klypp på turen.
  • Gå vidare frå Bjørgahaug til Hangsete og hank inn eit ekstra klypp.
  • Gå frå Skahaug eller skulen via Raumålsgrinda til Stokksete for å sikre deg to klypp på kortet.

Det viktigaste – ta turane i ditt tempo, gjerne med noko godt i sekken. Hugs å pause og sjå deg rundt. Du må ikkje gå glipp av naturen og utsikt!

Trim

Dalsete (Huksdalen) – ny post med bok

Du kan køyre fram til transformatorstasjonen, som er under bygging i Huksdalen i 2017/18. Gå ca 500 meter vidare til skogskoia til Hauge. Skilt til Dalsete markerer starten. Odd Arve Rakstad med fleire har rydda og merka stien opp til Dalsete, ein kort og grei ettermiddagstur.

Om du er i Kleppaområdet kan du stikke nedom frå Rjupeskar eller nordover frå Smørklett.

Oppdatert kart over alle postane er lagt ut på Trim-sida

Kart over turpostar 2017 v 2

Trim

Trim 30 – fleire stadar å klyppe

ekstra tengerDet kom inn eit ønskje om fleire tenger slik at dei med Trim 30-kortet fekk fleire turalternativ. God ide, tenkte vi.

No har vi fått inn 5 ekstra tenger og utplasseringa er i gong. I dag vart ei tong utplassert på Tuftahaug. No kan de med Trim 30-kortet gå opp på Fadnastølen, fram til Tuftahaug og f. eks. heim traktorvegen og få med dykk 2 klypp på kortet. Utanom Tuftahaug vil du etter kvart finne tang her:

  • Hangsete
  • Friksdal
  • Nyastøl (i Huksdalen)
  • Raumålsgrindi

Følg med på https://www.facebook.com/groups/syril.trim/ for utplassering av tengene.

Spre det glade bodskap og hugs å kjøpe trimkort:

Trim 30 2017