De kan kjøpe trimkort hjå Erling Røysum og Små Livsgleder. Same pris som i fjor: kr. 50,- for trim-30 kort og kr. 100,- for trimkort turpostar. De kan betale kontant eller med vipps (til 88235). Om de betalar med vipps så husk å merke betalinga med «Trim» slik at inntekta går til trimgruppa. Generelt så oppmodar vi flest mogeleg om å betale med vipps pga. situasjonen ang. koronavirus.

Elianne og Torill har og trimkort heime hjå seg som det er mogeleg å få kjøpt, både no i påska og seinare. Ta gjerne kontakt på førehand:

Elianne: tlf. 90630307, Eggjavegen 41

Torill: tlf. 97140861, Sjurli 7

Dersom de kjem til «våte» bøker eller «utskrivne» bøker så vil vi gjerne ha tilbakemelding om det, slik at vi kan få lagt ut nye bøker der det trengst.

Til slutt vil vi takke sponsorane våre, Sogn Røyr AS og Byggmeister Langeteig & Volldal, for at de støttar trimgruppa sitt arbeid!

God trimsesong til alle!

Helsing oss i trimgruppa: Ingar Hals, Elianne Eggum, Renate Sæle og Torill Felde

Det har vore eit flott år for Syril Trim med godt sal av trimkort og mykje besøk på trimpostane. Vi har selt ein del fleire Trim 30-kort enn turpost-kort samanlikna med tidlegare år. Vi tolkar det som om fleire ønskjer å vere aktive, og vonar at lågterskeltilbodet aukar lysta til å strekke seg lenger og ta alle 20 turpostane i løpet av dei kommande åra. Så lenge ein tek turen i sitt eige tempo kan dei fleste greie det. Utsikt, natur, meistring og velvære frå turane overskygger innsatsen. Vi håpar og at nye trimmarar har teke turen på ein eller fleire av trimpostane, det er ein fin måte å bli kjend rundt om i kommunen.

Det har vore trekning for dei som har delteke og fullført Syril sitt turpostprogram og Trim 30. Premiane er gåvekort á kr 1.000 for turpostane og kr 500 for Trim 30. Ein stor takk til Erling Røysum AS og Små livsgleder for delsponsing av premiane, noko som gjer at vinnarsjansen blir større.

Vinnarar av turposttrimmen og gåvekort á kr 1.000:

1. Frode Ølmheim
2. Ove Andre Slinde
3. Solbjørg Halland
4. Kari Kitty Stadheim*
5. Anna Røysum*
6. Hildegunn Høgheim
7. Linda Grebstad Grinde*
8. Siri Fossøy
9. Morten Hansen
10. Bente Olsmo Høgheim
11. Sigrun Orrestad
12. Kari Grinde

Vinnarar av Trim 30 og gåvekort á kr 500:

1. Solbjørg Halland*
2. Kjell Remø*
3. Sissel Espe
4. Steinar Røysum
5. Espen Sæterbø
6. Sigrun Orrestad
7. Steinar Fredheim
8. Roar W. Vangsnes
9. Eva H. Nesse
10. Svein Arne Volldal

Vinnarar av Trim 30 (barn) og gåvekort á kr 500:

1. Emmelin Røysum
2. Isabell Røysum
3. Vegard Olsmo Oen

*) Gåvekort frå Små livsgleder

Premiar er på veg ut til dei heldige vinnarane!

Mange har valt å dele opplevinga på Facebook-gruppa til Syril Trim. Hald fram med å dele turopplevingar både vinter, vår, sommar og haust! Ikkje gløym å sende inn nokre av dine bilete til Syril Trim. Kanskje vil ditt bilete pryde eit av korta komande sesong.

Vi har ikkje teke inn bøkene i år heller, så det er berre å skrive seg inn i bøkene i vinter. Gje oss tilbakemelding om det er behov for nye bøker nokon stad.

Vi håpar at mange har hatt fine turar i løpet av sesongen 🙂.

Frist for innlevering av trimkort er 31. oktober.

De kan levere inn kort hjå:

• Erling Røysum AS,
• Små livsgleder på Saften eller til
• Torill Felde (tlf. 97140861).

De kan no kjøpe trimkort hjå Erling Røysum og Små Livsgleder. Same pris som i fjor: kr. 50,- for trim-30 kort og kr. 100,- for turpostane.

De kan betale kontant eller med Vipps (til 88235). Om de betalar med Vipps, hugs å merke betalinga med «Trim» slik at inntekta går til trimgruppa.

Vi har fått tilsendt mange flotte forslag til bilete på trimkorta. Det er Mathilde Aasen Vikesland og Lene Kleppo som har teke bileta vi har brukt. Takk til alle!

Bøkene har lege i postkassene heile vinteren, og vi håpar og trur at det har gått bra. Dersom de kjem til «våte» bøker så vil vi gjerne ha tilbakemelding om det, slik at vi kan få lagt ut nye bøker der det trengst.

Til slutt vil vi takke sponsorane våre, Sogn Røyr AS og Byggmeister Langeteig & Volldal, for at de støttar trimgruppa sitt arbeid!

God trimsesong til alle!

Helsing oss i trimgruppa

Ingar Hals, Elianne Eggum, Renate Sæle og Torill Felde

I kveld var det trekning for dei som har delteke og fullført Syril sitt turpostprogram og Trim 30. Premiane er gåvekort à kr 1.000 for turpostane og kr 500 for Trim 30. Ei stor takk til Erling Røysum AS og Små livgleder for delsponsing av premiane som gjer at vinnarsjansen blir høgare.

Vinnarar av turposttrimmen og gåvekort à kr 1.000:

1. Rita Steig
2. Tonje Fjeld Hæreid
3. Magna Vangsnes
4. Lena Steig
5. Eivind Yttri
6. Arvid Mellingen
7. Rolf Almås
8. Hildur Liljedahl Stølen *
9. Linda Grepstad Grinde *
10. Sissel Espe
11. Astrid Solberg

Vinnarar av Trim 30 og gåvekort à kr 500:

1. Signe Lekven
2. Marie Bremer Remø
3. Steinar Røysum
4. Elisabeth Bernhardsen
5. Vilde Rød Knudsen
6. Siri Fossøy
7. Eva Hamre *
8. Anne Liv Røysum *
9. Frode Ølmheim
10. Randi Fikerud Njøs
11. Mathilde Aasen Vikesland

Vinnarar av Trim 30 (barn) og gåvekort à kr 500:

1. Carina Norum Husabø
2. Tiril Myren Sæterbø

*) Gåvekort frå Små livsgleder

Premiar er på veg ut til dei heldige vinnarane!

PS! Bli med neste år du òg. Vinnarsjansen er laaaaangt større enn for tipping og Lotto.

Nok ein kjempesesong for Syril Trim. I 2018 vart det selt meir Trim 30-kort enn turpost-kort. Vi tolkar det som om fleire ønskjer å bli aktive, og vonar at lågterskeltilbodet aukar lysta til å strekke seg lenger og ta alle 20 turpostane eit av dei neste åra. Så lenge ein tek turen i sitt eige tempo kan dei fleste greie det. Utsikt, natur, meistring og velvære frå turane overskygger innsatsen.

Alt Syril Trim får inn på sal av trimkort minus kostnaden til korta går til premiar. Både Erling Røysum AS og Små Livsgleder blir i år, som ifjor med på «å strekkje pengane» lenger ved å delsponse gåvekorta. Med fleire premiar aukar sjansen for at du blir ein vinnar!

Bruk dei siste haustdagane i slutten av oktober og byrjinga av november til å fullføre kort, men hugs for all del å levere dei inn hjå Erling Røysum AS eller Små Livsgleder. Vi hentar  innleverte kort i midten av november.

Mange har valt å dele opplevinga på Facebook-gruppa til Syril Trim. Hald fram med å dele turopplevingar både vinter, vår, sommar og haust! Ikkje gløym å sende inn nokre av dine bilete til Syril Trim. Kanskje vil ditt bilete pryde eit av korta for sesongen 2019.

I år tek vi ikkje inn bøkene, men lar dei ligge ute gjennom vinteren. Er ikkje boksen nedsnødd, kan du signere deg inn ute på postane våre.

Syril Trim er på jakt etter bilete til trimkorta for 2019. Ta med mobil eller kamera og finn gode turmotiv. Det treng ikkje vere storslagen utsikt, turopplevinga kan vere mykje anna.

Blinkskota dine sender du i full storleik, på e-post, til trim@syril.no

Tips! Ta bilete med mobilen liggande…

Starten på turen til Vassvarden er flytta 500 meter frå ferjekaien på Hella, i retning Leikanger. Inntil vidare parkerer ein på Hella.

Skilt er sett opp i hagen like etter det siste huset, på oppsida av vegen, før du kjem til Hella. Skilta leier deg inn på ein gamal kjerreveg som går opp til garden Vesterheim. Etter ca 100 meter kjem du til ei hjortegrind. Pass på å lukke ho etter deg.

Kjerrevegen går sikksakk opp lia. Omtrent halvveges kan du stikke ut på svaberga og få med deg utsikt over fjorden og ferjetrafikken. Oppe på Vesterheim passerer du like under det gamle skulehuset. Etter vel 50 meter i retning garden Vesterheim, kjem du til eit nytt skilt som peikar deg i retning av stien opp til Rud.

Til slutt eit bilete av ryddegjengen. Hardt arbeid utan maskinelle hjelpemiddel som følgje av det tørre, flotte veret vi har hatt i lengre tid:

Stein Dyngen står bak kamera. Per Olav Henjum såg seg rundt på Vesterheim og var ikkje med på bilete.

Med hjelp av Odd Arve Rakstad og co satsar ein i første omgang på å rydde og merke den gamle kjerrevegen/stien frå Sanden opp til Vesterheim. På Vesterheim kan du velje om du vil gå etter merka sti opp til Ruud eller tilbake til Flete. Som du ser av kartet vil det siste bli ein omveg når ein skal opp på Vassvarden.

Planen er at det blir ein ryddeaksjon på måndag 4.6.2018 kl 16:00. Ein del mann med 4 motorsager har allereie meldt seg. Ein reknar med at jobben er gjort i løpet av kvelden. Vil du hjelpe til er det berre å ta kontakt på trim@syril.no.

Grunneigar på Hella var i kontakt med meg og gav beskjed om at han ikkje ville ha turgåarar på privatvegen eller gjennom eigedomen sin lenger. Det lyt vi berre respektere.

Syril trim vil:

• vurdere om det er mogleg å finne ein alternativ start i nærleiken, eller
• ta ned og flytte posten til ein anna stad.

Med mindre du går opp frå andre stadar, ikkje ta turen til Vassvarden inntil vidare.