Alle innlegg av Syril

975 700 526 IDRETTSLAGET SYRIL Forening/lag/innretning Eggjavegen 12 6863 LEIKANGER LEIKANGER
Syril

Handlingsplanen til Syril – kva klubb er vi?

Lurer du på kva Syril som klubb kan tilby og kva vi jobbar aktivt med å få til? Vel – då anbefaler vi deg å ta ein kik på handlingsplanen til Syril.

Handlingsplanen vart vedteken i årsmøtet i Syril i mars 2025.

Dette er fyrste handlingsplanen til Syril, og alle særgruppene har delteke aktivt i å utvikle denne saman for idrettslaget. I handlingsplanen kan du lese om føremålet til planen, Syril sin visjon, kjerneverdiane og måla til klubben. I tillegg finn du ein tiltaksplan som listar opp tiltak som vi ynskjer å gjennomføre for å oppnå måla vi har sett oss, og tiltak som set rammer for korleis idretten skal utførast. Vi vil framover ha eit ekstra fokus på å utvikle idretten for dei yngste, slik at vi får med flest mogleg, lengst mogleg.

Vi håpar alle vil lese denne planen og bli betre kjent med Syril som klubb.

Syril handlingsplan 2025-2029

Trim

Trimsesongen 2025 er i gang!

Syriltrim-korta er no til sals på Esso Leikanger og hjå Små livsgleder. Postane og prisen på korta er som i fjor. Me håpar mange vil ta turen ut i systrondsnaturen!

Turskildringane finn de på www.syril.no, der er det også linkar til video av turane.

Er nokre av stiane prega av vinteren slik at det bør gjerast vedlikehald, kan behovet meldast til Eva på tlf 905 59 818. Ta gjerne kontakt om du sjølv har lyst å bidra i trimgruppa eller om til dømes bøkene er utskrivne.

Det kan bli aktuelt med digital løysing for dei som ynskjer det seinare i sesongen som eit supplement til korta, men det må me eventuelt koma tilbake til.

God tursesong!

Fotball

Kickoff 2025

Syril fotball inviterer til Kickoff søndag 30. mars kl. 13:00-15:00 på Syril stadion!

Som i fjor ønskjer vi å markere starten på ein ny sesong med ein triveleg dag på Syril stadion. Det vert mellom anna introduksjon av alle lag, gratis grillmat til alle spelarane våre, fotballtennis og fartsmålar der du kan måla kor hardt du skyt.

Kiosken er åpen og vi kan love god stemning, smil og fotballglede. Kanskje får vi til ein kamp mellom vaksne og barn? 😀

Heile bygda er invitert! Våre venner i Sogndal Fotball kjem også utom, og kanskje blir det og høve til å slå ein tunnel på heltane frå Sogndal 😀

Syril fotball skal vere eit tilbod for alle, og vi ønskjer å kunne tilby fotballsko, leggskinn og anna fotballutsyr til dei som ikkje har høve til å kjøpe det sjølv. Det vil difor vere ein «Stand» på stadion under Kickoffen der du kan levere inn utstyr som er i fin stand, men som ikkje lenger vert brukt i husstanden.

I år arrangerer vi og «Kickoff-lotteri» med flotte premiar. Du kan mellom anna vinne ei signert Sogndal-drakt, signert Syril-drakt og ein JBL Extreme3 høgtalar, levert av Sogn Tavle- og datamontering.

Du kjøper lodd enkelt på Vipps på nummer 111103 (Syril fotball, velg kategori «Lodd».) Kvart lodd kostar 20 kr og du kan kjøpe så mange du vil 😀 Alle inntektene frå lodda går til utstyr til barn og ungdom i Syril fotball, og er med å bidreg til at vi kan holde treningsavgiftene så låge som råd.

Hjerteleg velkomen på Kickoff søndag 30. mars klokka 13:00 på Syril stadion!

Hei, heia Syril!

Syril

Referat m.m. frå årsmøte i idrettslaget Syril

Årsmøtet i Syril vart gjennomført torsdag 27. februar i lokala til Digdir.

I årsmøtet vart handlingsplan for Syril vedteke. Dette er fyrste handlingsplanen til Syril, og alle særgruppene har delteke aktivt i å utvikle denne saman for idrettslaget. I handlingsplanen kan du lese om føremålet til planen, Syrils visjon, kjerneverdiar og måla til klubben. I tillegg finn du ein tiltaksplan som listar opp tiltak som vi ynskjer å gjennomføre for å oppnå måla vi har sett oss. Vi håpar alle vil lese denne planen og bli betre kjent med Syril som klubb.

Årsmeldinga til Syril vart også godkjent av årsmøtet, og den finn du som digital versjon her på syril sine nettsider. I tillegg vil vi trykke opp nokre eksemplar som vi vil dele ut. Dersom du ynskjer eit trykt eksemplar av årsmeldinga, ta gjerne kontakt med oss på post@syril.no.

Vi ynskjer heilt til slutt å takke alle medlemmane våre for støtten de har gitt og innsatsen de har lagt att i klubben. Vi vil også takke alle våre sponsorar som har støtta oss år etter år. Tusen takk! ❤️

Syril handlingsplan 2025-2029 – Flest mogleg, lengst mogleg

Syril årsmelding

Referat frå årsmøte Syril 2024

Fotball

Syril damelag i 2025

Syril har meldt på 7-ar damelag for sesongen 2025. Dette tykkjer vi er veldig stas, og vi ønskjer å invitere alle som har lyst, til å bli med!

Det er ei veldig kjekk og inkluderande spelargruppe i eit breitt aldersspenn. Det er turneringsspel med 2 turneringar på vår og 2 på haust, i tillegg til ei trening i veka.

Høyres ikkje dette spanande ut? Ta gjerne kontakt med Amalie Dimmen Henjum om du vil vere med, eller dersom du har spørsmål

Fotball

Ny trenar for Syril herrer

Endeleg kan me annonsera at herrelaget til Syril har fått på plass ny trenar! Sjølv om det tok litt tid, er me veldig glad for at vi fekk førstevalget vårt. Vi har hatt dialog over ein lengre periode, og no er alle detaljar på plass!

Eirik Espe Stensvand vender heim fra Bergen og blir systrending att. Med på flyttelasset har han, i tillegg til sambuar og ein son, mange års erfaring som hovudtrenar, ein B-lisens som trenar og ein rykande fersk avtale med Syril.

Eirik spelte i Syril heilt fram til han flytte til Bergen for å studere, og vi er ekstremt glad for att han no vender heim, og skal rettleia og utvikle spelarane på herrelaget. Som nemnt kjem han inn med solid kompetanse, både i form av utdanning og erfaring, og vi ser veldig fram til at Eirik skal sette sitt preg på Syril-fotballen i 2025.

Eirik og familien er på plass 15. mars og fram til det stiller Alexander Slinde som fungerande hovudtrenar – Det set vi veldig pris på!

No blir det full fart med treningar og treningskampar framover, slik at laget er slagkraftig og klar til seriestart i slutten av april!