I morgon spelar Syrildamene kamp mot Aurland kl.13.00 i hallen. Møt opp og hei damene fram til siger!
Stikkordarkiv: Damelag
Damekamp i Saften
I morgon, tysdag, spelar damelaget handballkamp mot Sogndal kl.20.15 i Saften. Kiosken er open. Inngang 50 kr. Damene har ein uavgjort, og to sigrar før tysdagens møte med Sogndal. Sogndal har vunne sine tre kampar til no i sesongen. Det vert ein spennande kamp. Møt opp og hei Syrildamene fram til sin tredje siger.
Handballhelg i Saften
Følgjande kampar kan du få med deg i hallen i helga:
Laurdag 5.november:
12.00 Syril/Sogndal – Gloppen J16
13.05 Syril – Vik J15
14.10 Sogndal – Syril G16
15.20 Syril/Sogndal – Gloppen J16
16.45 Syril – Eid 4.div dame
Sundag 6.november:
13.15 Syril – Florø 2 4.div dame
14.20 Syril – Skavøypoll G16
16.00 Sogndal – Førde 2 4.div dame
Syril sitt damelag spelar kamp i dag
Syril sitt damelag spelar sin første kamp for sesongen i dag. Dei møter Lærdal på heimebane kl.18. Det er første gong sidan 2010 at Syril har eit damelag. Håpar dei får ein god sesong,og at grunnlaget vert lagt for vidare satsing på damelag i Syril. Møt opp på kampen i dag og støtt opp om damelaget vårt.
Poengfangst i Sunnfjord
Syril sitt damelag i handball la turen til Førde og Florø i dag. I Førde var ikkje hallen ledig. Kampen vert utsett og vil bli spelt i Leikangerhallen. Informasjon om tidspunkt kjem seinare slik at de kan få reservert tidspunktet i kalendaren dykkar.
Kampen i Florø enda med siger til Syril 21-18.
Handball i Leikangerhallen fyrste helga i advent
I helga vart det spela 7 kampar.
Fredag kveld hadde me besøk av Aurland sine 15 års jenter. Dette var ein kamp som Syril dominerte frå start til mål. Syril vann klart 33-7.
Laurdag var det Syril sine jenter 12 år som starta med å vinne over Bjørn. Sluttresultatet vart 7-3.
Så var det jenter 13 år sin tur som starta med å vinne over Høyang 2. Ein kamp der dei først låg under, men kom sterkt på slutten for så å vinna med 9-5. I den andre kampen deira den dagen var mot Høyang 1. Her vart det litt tøffare tak, og jentene våre tapte 15 – 9.
I gutekampen mellom Syril og Eid/Haugen i klasse G14 vart det til slutt borteseier med 13-17.
Alle kampane på laurdag vart leia av Siv Hickman, Siri Fossøy, Kristine Linde Røyseth og Ingrid Fredheim. Dei tre første er nettopp ferdige med «dommar1- kurs» som vil seie at dei no er klare for å dømme opp til og med G/J14. Per Reidar Svangstu frå Bjørn var til stades på alle kampane som dommarobservatør. Tilbakemeldingane frå han var svært gode, og me håpar desse vil hjelpe oss med dømminga i Leikangerhallen i mange år.
Søndag var det igjen klart for kamp. Denne gang med voksne damer frå Syril og Førde 2. Førde 2 starta kampen i stort tempo, og leda kampen 7-1 etter 15 minutt. Men damene til Syril ville det annleis, og åt seg sakte men sikkert inn på Førde 2. Med om lag 12 minutt igjen av kampen var stillinga 17-17. Derfrå og inn vart det mykje neglebiting for dei om lag 100 som sat/sto på tribunen. Syril klarte det og vann 21-19.
I siste kampen i helga var det Syril sitt jente 15 som skulle måle krefter med Jotun/Åtil sine jenter. Jentene til Syril var mykje sterkare, og vann igjen som dei gjorde på fredag kveld. Denne gongen med 25-12.
Syril 