J 13/14 gjekk heilt til topps på Norway Cup 2023. Laget har vore suverene gjennom heile turneringa. Gratulera så mykje til jentene, trenarane og lagleiar😊
1. plass til Syril/Balestrand J 13/14
Stikkordarkiv: Norway Cup
Norway Cup 2022
Ei spanande veke i Oslo er forbi, og det har vore god innsats frå alle tre laga. Gode oppdateringar har det vore undervegs, og det ser ut som det har vore ei kjekk veke både sportsleg og sosialt. Gratulerar til J 13/14 med 2.plass og sølvmedalje. De imponerar!
Norway Cup 2022
Etter to år utan Norway Cup, stiller Syril fotball i år med 3 lag i Norway Cup, J14, G14 og G15/16.
To av laga våre reiser austover med buss. J14 reiser med vår eigen Syrilbuss og G14 reiser med lånt buss frå Vik IL.
Alle som har spelt fotball kan nok kjenne att følelsane det gir å reise til kamp eller cup med heile laget samla i felles buss.
Ein slik busstur kan vera med på å bygge samhald, gi fine opplevingar og å skape gode minner.
Vi vil difor rette ein stor takk til Vik IL for lån av buss. Samstundes vil vi gratulera Vik IL og G16 med eit fantastisk resultat i Dana-Cup.
Vi ynskjer våre lag lukke til under årets Norway Cup!
Heia heia Syril!
PS! Syril G15/16 sine kampar blir strauma på direktesport.no.
Måndag 1. august: kl. 19. Froland IL (G15/16) – Syril IL (G15/16) Bane 7 Ekeberg
Tysdag 2. august: kl. 17. Syril (G15/16) – Tertnes fotball herrer (G15/16) Bane 7 Ekeberg
Norway Cup 2017
Syril stiller med to lag i Norway Cup denne veka:
Følg med på Syril si facebookside for oppdateringar.
Vi ynskjer laga lykke til med turneringa.
Heia Syril!
Norway Cup 2016
Så var nok ei Norway Cup-veke over og Syril kan sjå tilbake på flotte opplevingar både på og utanfor fotball-løkka. Alle laga har hatt base på Haraldsheimen, Syril sin faste innkvarteringsstad.
Her har vaksne delt dagens opplevingar over kjøkengryter og kaffikoppar, medan ungdommane har samlast om bordtennis, kortspel og fotball-leik. Tusenfryd, go cart, laserskyting og shopping er det også blitt tid til. Men først av alt er sjølvsagt veka full av fotball!
Alle laga var i aksjon til onsdag kveld, då måtte småjentelaget gje tapt i 16-dels finalen, A-sluttspelet mot Skodje IL som seinare kom til finalen og vann sølv.
Smågutane fekk med seg enno ein kamp, men torsdag morgon rauk dei ut mot laget som seinare blei vinnaren av B-sluttspelet, Løvenstad 2.
Jenter 15/16 stilte lag i 11-ar serien i år og spelte seg til ein flott kvartfinaleplass. Her stogga cupeventyret for denne gongen, mot vinnaren av finalen, Langfjorden FK!
Den store overraskinga stod juniorjentene for, eit lag som var sett saman for cupen spesielt. Med god hjelp av SIL-spelarane Vibeke Solheim og Trude Kveane spelte laget seg til puljevinner i klasse 17/19 år, og gjekk direkte til kvartfinale. Der slo dei ut kanadiske Yukon Selects, men gjekk i semifinalen på tap i straffesparkkonkurranse mot sølvvinnar Trygg/Lade.
Likevel: Ei flott oppleving, som vi håpar ga meirsmak til meir fotball framover 😊
Takk for i år, Norway Cup!
Syrillaga på Norway Cup
Då har alle laga til Syril vore igjennom gruppespelet. J 14 vann gruppa si, og skal spele 1/16 finale i dag kl. 15.40. G 14 vart nr. 3 i gruppa si, og skal spele 1/16 finale i dag kl. 11.40 i B-sluttspelet. J 16 har og vunne gruppa si, og skal spele 1/32 finale i dag kl.13.15. J 17/18/19 har vunne gruppa si, og skal spele 1/4 finale i morgon kl.12.45
Syrilkamp på TV
Då kampen til Syril J16 er flytta til måndag 1.august kl.10, vert den ikkje sendt på tv2 sundag 31.juli kl. 17 slik som tidlegare opplyst. Det er lite truleg at tv2 sender kampen måndag, då informasjon på nettsida til tv2 fortsatt har sundag som kampdag.
Syrilkamp på TV2
Sundag 31.juli kl.17.00 får me sjå Syril J16 på TV2. Dei møter Strindheim under Norway Cup. Merk dykk tidspunktet.
Syril 