Neste veke startar seriekampane for barne- og ungdomsfotballen. Det er per no kun opna for seriekampar for klubbar innad i same kommune. For Syril vil det sei at det vert litt kampaktivitet framover for laga våre, då me har ein del motstandarar innanfor kommunen vår. Det er kjekt at fotballen no kjem i gang med litt kampaktivitet. Og så håpar me at det snart opnar for kampar på tvers av kommunane og.
Heimekampane til Syril finn de her: https://syril.no/ball/fotball/kamp/
Video av Kent Fimreite
Då kampen til Syril J16 er flytta til måndag 1.august kl.10, vert den ikkje sendt på tv2 sundag 31.juli kl. 17 slik som tidlegare opplyst. Det er lite truleg at tv2 sender kampen måndag, då informasjon på nettsida til tv2 fortsatt har sundag som kampdag.
Sundag 31.juli kl.17.00 får me sjå Syril J16 på TV2. Dei møter Strindheim under Norway Cup. Merk dykk tidspunktet.
I går, torsdag 16.juni spelte Syril J12 Fair Play kamp mot Bjørn J12 på Syril Kunstgras. Resultatet vart 5-4 til Syril. Under ser ein bilete frå Fair Play samtalen som spelarane, støtteapparatet til laga og dommaren hadde saman med representanten frå kretsen. Laga tok og ei felles lagbilete, og hadde oppstilling med namneopprop før kampen. Gjennomføringa av kampen og arrangementet var i god Fair Play ånd, og det var godt oppmøte av foreldre og anna publikum.
Torsdag 16.juni kl. 18.00 spelar Syril J12 fair play kamp mot Bjørn J12 på kunstgrasbana. Kiosken er open, og speakar er på plass for å lage stemning rundt arrangementet. Håpar me ser deg på kamp denne dagen!
Syril 