Syrilkalendaren klar for salg. Snart kjem unge Syriljenter og Syrilgutar på døra, ta dei vel i mot, kjøp kalendar og støtt idrettslaget i bygda!!
Syril-kalendaren 2024
Futsal-turnering søndag 3.11
Søndag er det futsal-turnering i Saften! Ein dag fullspekka med fotballkampar! Domarane bles igang første kamp kl 10:00 og siste spark på ballen er kl 17:30:
| Kl | Heimelag | Bortelag |
|---|---|---|
| 10:00 | Syril J13 | Sogndal J12 |
| 10:15 | Syril | Il Bjørn |
| 10:30 | Kaupanger IL 2 | Sogndal 1 |
| 10:45 | Sogndal J12 | Syril |
| 11:00 | Kaupanger IL | Bjørn 2 |
| 11:15 | Syril J13 | Il Bjørn |
| 11:30 | Kaupanger IL | Sogndal 1 |
| 11:45 | Il Bjørn | Sogndal J12 |
| 12:00 | Bjørn 2 | Kaupanger IL 2 |
| 12:15 | Syril | Syril J13 |
| 12:30 | Sogndal G12 1 | Vik |
| 12:45 | Kaupanger IL 2 | Kaupanger IL |
| 13:00 | Vik | Sogndal G12 1 |
| 13:15 | Sogndal J11 – 1 | Syril |
| 13:30 | Sogndal 1 | Bjørn 2 |
| 13:45 | Sogndal G12 1 | Sogndal G12 2 |
| 14:00 | Il Bjørn | Jotun – 2 |
| 14:15 | Sogndal J11 – 1 | Sogndal J11 – 2 |
| 14:30 | Il Bjørn | Sogndal |
| 14:45 | Syril | Sogndal J11 – 2 |
| 15:00 | Vik | Sogndal G12 2 |
| 15:15 | Jotun – 2 | Il Bjørn |
| 15:30 | Sogndal J11 – 2 | Syril |
| 15:45 | Sogndal G12 2 | Sogndal G12 1 |
| 16:00 | Sogndal | Jotun – 2 |
| 16:15 | Syril | Sogndal J11 – 1 |
| 16:30 | Sogndal G12 2 | Vik |
| 16:45 | Sogndal | Il Bjørn |
| 17:00 | Sogndal J11 – 2 | Sogndal J11 – 1 |
| 17:15 | Jotun – 2 | Sogndal |
Syril stiller med rikholdig kiosk av både mat og kaker gjennom dagen, så her kan du få dekka alle behov!
Vi ønsker velkommen til alle deltakande lag, spelarar og tilskodarar, og håpar alle får ein strålande futsal-dag i Saften!
Dugnad i skianlegget på Kleppa
Bli med på den årlege dugnaden for å rydde Kleppa klar for vinteren. Også i år skal det ryddast både i langrennsløyper, nedfarten og skogsløypa, så sjølv om det vart gjort ein formidabel innsats i fjor, er det mykje som skal gjerast i år òg.
Ta med hagesaks og/eller beskjæringssaks, gode hanskar, niste og noko å drikke. Vi tek ein fellespause ute rundt eit bål eller inne i varmen. Ta gjerne med ungane og gjer det til ei familiehending 🙂
Vi har sett av to laurdagar:
- 26.10 kl 10:00
- 02.11 kl 10:00
18 – 20. oktober – Avkast 2024
Komande helg kastar me i gang sesongen med dommarsamling, treningsøkter, kampar, Rose sløyfe-aksjon. treningsøkter, HLR-kurs, lagleiarmøte samt Løp for meg: https://syril.no/arrangement/avkast/
Klubbveke hjå Intersport Sogndal
14.-19. oktober gjennomfører Intersport klubbveke for alle medlemmane i Syril. Ta turen innom!
Har du innspel til handlingsplan?
Syril hovudstyre jobbar akkurat no med å lage handlingsplan for idrettslaget, og vi ynskjer gjerne innspel frå medlemmane våre!
Har du tankar rundt:
- Kva slags klubb Syril skal vera for medlemmane sine?
- Korleis vi som klubb skal jobbe for å oppnå dette?
Klikk deg inn på denne lenkja og send oss dine tankar :
https://forms.office.com/e/HVpuGmFFKN
Fotballsøndag 25.august
Invitera til fotballsøndag på Syril stadion 25.08
Klokka 12.00 startar første kamp der J12 møter Årdalstangen
Ca. klokka 13.15 er det klart for ein ny spanande kamp der G11 møter Sogndal 1
og
Klokka 15.00 avsluttar Herrelaget med kamp mot Bjørn/Hafslo/Fanaråk
Det vil vera mogleg å kjøpe pølse, toast og mykje anna godt i Syril-kiosken
Kiosken vil vera open frå ca. klokka 11.30 til 17
Møt opp og støtt laga våre i det som ser ut til å bli ei kjekk og spanande fotballdag på Syril stadion.
Få med deg familie og vener på stadion kos dikka med noko godt frå kiosken medan de får servert flott underhaldning på bana.
Me kjem! Kjem du?
Frivillig til Tine fotballskule 2024
Syril fotball og dei flotte unge deltakarane treng frivillige vaksne til å bistå og utføre ulike oppgåver under årets Tine fotballskule. Oppgåvene kan t.d bestå i å tilbrede og servere måltid, dekke på og rydde av, rigge opp og rigge ned m.m. Det skal kvar dag serverast 2 fruktmåltid i tillegg til lunsj.
Vi håpar difor at du kan tenkje deg å bidra. Vi er sikre på at ditt bidrag vil vere med å skape ei flott og koseleg ramme rundt fotballskulen.
For å få til ein god logistikk ynskjer vi at det er minimum 3-4 vaksne til stades kvar dag. Vi ynskjer at du er med enten heil eller halv dag.
Halv dag er frå kl.10 – 12.15 eller 12.15 – 14.30. Heil dag er frå 10 – 14.30.
Ynskjer du å bidra under Syril fotball sin Tine fotballskule, meld deg via lenka: Frivillige til Tine fotballskule 2024
Tine fotballskule
Syril fotball arrangerar Tine fotballskule måndag 12.august til og med torsdag 15.august. Fotballskulen er for dei som er fødde 2012-2018. Meld dykk på nokre kjekke fotballdagar siste veka av sommarferien.
Gå inn på sida til Tine fotballskule for meir info.
Intersport ny hovudsponsor for Syril
Intersport har inngått hovudsponsoravtale med idrettslaget Syril. – Det har vore eit vakuum etter at Erling Røysum la ned sportsdelen av butikken rundt nyttår, men vi er no veldig glade for at vi endeleg kan annonsere at Intersport tek over der Erling Røysum slutta, seier Elianne Eggum, leiar i Syril.
– Vi har hatt eit veldig godt samarbeid med Erling Røysum i mange år, og vi opplev allereie at vi er i gode hender no når Intersport blir del av sponsorpakken vår, fortset Eggum.
– Intersport har allereie vore sponsor på mange av Syril sine arrangement tidlegare, og det er i så måte ikkje heilt upløgd mark for nokon av oss. Vi har sett fram til å kunne annonsere at Intersport no blir ny sportssponsor for Syril, seier Reidar Dvergedal, dagleg leiar hjå Intersport.
Gjennom avtalen får Syril tilgang til treningsklede, -sko og anna idrettsutstyr på gunstige vilkår. Også Syril sine medlemmar får nyte godt av rabattar på klubbkolleksjonen som Intersport tilbyr Syril.
Intersport og utstyrsleverandørar som Umbro og Craft vil få marknadsføre og profilere merkevarene sine gjennom Syril. Nokon har kanskje sett at Intersport-logoen allereie har dukka opp på dei nye Syril-draktene. I tillegg vil Intersport-logoen framover dukke opp på anlegga til Syril.
– Vi ser fram til eit godt samarbeid med Syril, og gler oss til å vera meir synlege ute på Leikanger, seier Reidar Dvergsdal.
Syril 