Kategoriarkiv: Handball

Handball

Samarbeid mellom Syril handball og Førde handball

Det er med glede at me kan informere om at Syril handball har inngått samarbeid med Førde handball. Førde har eit damelag som dei siste åra har lege i 1. og 2.divisjon. Dei tek no eit tydeleg ansvar ifht å bygge kultur, sikre rekruttering, samt jobbe for å heve nivået på handballen i området. For vår del kan samarbeidet inneholde m.a. dette:

  • Økter i eigen klubb leia av trenarar frå Førde (Øyvind Vraalsen og Ole Kristian Gjerstad + målvaktstrenar). Trenarrettleiing.
  • Felles økter/samlingar for ulike årsklasser
  • Hospitering (og evt spel) på senior damer for dei spelararar som møter kriterier
  • Gi dei beste eit utvida tilbod utan å ta dei ut av eigne grupper.

Førde sine tankar:

Med dette samarbeidet håpar me i Syril handball på å kunne gi både spelarar og trenarar eit løft, og me gledar oss til å legge gode planar ilag med Førde handball.

Handball

Handballgruppa søker arrangementsansvarlege

Syril handball har hatt to flinke arrangementsansvarlege som no takkar for seg. Vi treng difor to nye til å ta over stafettpinnen. Oppgåver som ligg til vervet: 

  • Koordinere oppsett av arrangement i lag med kvart lag sin lagleiar/trenar
  • Ansvar for innkjøp av kioskvarer.
  • Ansvar for å oppdatere permen i sekreteriatet
  • Ansvar for utarbeiding/ajourhold av instrukser i høve arrangement
  • Ansvar for økonomisk oversikt for kioskdrifta i dialog med økonomiansvarleg

Ta gjerne kontakt med Elianne eller Pia, eller andre i styret, om du ynskjer å hjelpe til. Astrid og Hilde kan også kontaktast.


Helsing styret i Syril handball

Oversikt over styret i handballgruppa finn du her:

https://syril.no/ball/handball/

Handball, Syril

Rosa sløyfe arrangement

Laurdag 19. oktober var det kamphelg og Rosa sløyfe-arrangement i Leikangerhallen. Det var kampar frå kl 13-18, loddsal med premiar og gjettekonkurranse. Alt av overskot frå kiosk og loddsal gjekk uavkorta til Rosa sløyfe-aksjonen. 

Vi fekk totalt inn nesten 8300 kr den dagen, og vil gjerne få takke alle som kom innom og bidrog til aksjonen!! 

Vi hadde også arrangert byttedag av treningsklede/utstyr den dagen, men det kom litt i skuggen av alt det andre. Vi kjem difor til å arrangere ein eigen byttedag seinare i år / tidleg neste år. Følg med!

Handball, Syril

Bytedag av treningsklede, innesko og utstyr 19. oktober i Saften

Har du mykje treningsklede som er for lite, for stort eller rett og slett ikkje blir brukt? Eller kanskje treningsutstyr som knebeskyttarar og ballar du ikkje brukar? I veka før kampdagen laurdag 19. oktober kan du levere inn klede, innesko og utstyr som skal bytast vekk. Det er sett fram tre kassar/sekker ein kan legge det ned i – ein for klede, ein for innesko og ein for utstyr. Alt må vera vaska/reint. Kassane/sekkane finn de i gangarealet i 3.etasje i Saften.

Laurdag 19. oktober, kl 13-15 kan du kome att og sjå om det er plagg/sko/utstyr du har behov for. Alt er gratis, men dersom du ynskjer kan du betale 10 kr pr plagg du tek med deg heim. All inntekt går til Rosa sløyfe-arrangementet.

OBS: Du treng ikkje levere inn noko for å finne nytt, men då set vi ekstra pris på nokre kroner som går til Rosa sløyfe-arrangementet. 🙂

Det som blir att, blir gitt vekk til Freetex.

Velkomne!! 🙂

Handball

Start på handballsesongen!

Denne helga startar handballsesongen for fullt og Syril har fleire aldersbesemte lag som skal i aksjon.

Laurdag spelar J10 kampar i Saften:
12.00: Syril2 – Syril3
12.45: Syril – Jotun
14.30: Syril3 – Jotun
15.15: Syril – Syril 2

J 12 reiser til Vik og møter både Sogndal 1 og Sogndal 2 i Blixhalli.
G 12 spelar kamp mot Aurland i Sogndalshallen.

Også på søndag vert det spelt handball i Saften, der lag frå Førde, Stryn og Haugen/Eid i tillegg til Syril sitt G14 lag skal møtast. Kampane startar 12.00.
12.00: Førde – Stryn
14.00: Førde – Haugen/Eid1
15.00: Stryn – Syril
17.10: Syril – Førde

G10 laget vårt tek turen til Fjaler der dei skal spele mot Førde og Dale.

Me ønskjer alle laga lukke til med kampane sine!
Møt opp i Saften og hei fram unge og ivrige handballspelarar. Heia Syril!

Fotball, Handball, Syril

Kurs om skadeførebygging, behandling av akutte skadar og opptrening etter skade

Syril Handball og Syril Fotball inviterar til kurs om skadeførebygging.
Kursstad     :  Saften, Leikangerhallen
Dato            :  24. april 2019
Klokka         :  17.00
Kurshaldar :  Elise Thorsnes og Gunvor Halmøy
Syril Handball og Syril Fotball har eit sterkt ynskje om at alle trenarar og lagleiarar prioriterar å komme på kurset.  Det er de som er på banene med ungane og skal praktisere det me lærer på kurset. Viss det er foreldre og spelarar som ynskjer å komme å høyre på, er det opent for det.
Det blir ei praktisk økt der ein kan få prøve seg på å legge ein kompresjon og teiping.  Denne økta blir trenarar og lagleiarar prioriterte.
Påmelding innan SUNDAG 14/4-19 til kittyrenate5@hotmail.com
Handball

Syril handball med eige VIPPS-nummer

All betaling som gjeld handball skal bruke dette nummeret.

syril handball-vipps-liten

For å hjelpe Syril å føre inntekter korrekt, venlegast skriv ei kort melding om kva innbetalinga. Eksempel på korte meldingar på Vipps-betalingar er:

  • Kiosk
  • Billett

Om du betalar treningsavgift med meir, skriv du i meldinga det du ville ha skrive på ei bankinnbetalinga.

Handball

Handballturnering for dei minste

Sundag 2. april var 60 born mellom 6 og 8 år samla i Leikangerhallen for sin aller første turnering. Ungane frå Syril starta med handball i januar og har trent ein gong i veka sidan då. Endeleg fekk dei spele skikkelege kampar!

8-åringane fekk besøk av tre lag frå Sogndal og fekk spele to kampar kvar mot flinke gutar og jenter frå naboklubben. Sogndal hadde ikkje lag å stille med i dei to yngste klassane, så her vart det spelt interne kampar. Desse laga fekk òg to kampar kvar.

Alle Syril-laga hadde med seg eigne trenarar som gjorde ein fenomenal jobb på sidelinja (og litt inne på bana :)) Ungdommane som utgjer trenarkreftene på desse tre kulla har vore med sidan oppstart, og er i alderen frå 13 til 17 år. På turneringa steppa dei i tillegg inn som dommarar.

Alle spelarane fekk utdelt velfortente premiar til å sette heime på hylla. Syril handball takkar foreldre og andre som stilte opp på dugnad, alle som heia frå tribuna og ikkje minst alle trenarane. Håpar me kan få til ein liknande turnering neste sesong.