Det gjenstår litt arbeid før skitrekket kan opne, mellom anna godkjenning av sveis i vendemast. Følg med på syril.no eller Facebook-sida til Syril!
Kategoriarkiv: Ski
Sogn og Fjordane-leikane
Sogn og Fjordane-leikane er utsett til laurdag 12. januar 2019 pga. snøforholda. Arrangementet vert elles gjennomført som planlagt i Sogndal Skisenter.
Sogn og Fjordane-leikane er eit arrangement på tvers av alle greinene i Sogn og Fjordane Skikrins og er open for alle, både aktive og nye, til å prøve ut dei ulike greinene.
Her skal alle kunne prøve alpint, langrenn, hopp, randonee og telemark uansett kva skiutstyr ein har. Det blir laga til spennande løyper for alle greinene rundt SIL-hytta i Sogndal Skisenter.
Klepparennet 2019
Tid: 19. januar 2019 kl. 12.00
Stad: Kleppa på Leikanger.
Stilart: Fristil med intervallstart
- G og J 10 år og yngre: 1 km
- G og J 11-12 år: 2 km
- G og J 13-14 år: 3 km
- G og J 15-16 år: 5 km
- K 17 år og eldre: 5 km
- M 17 år og eldre: 10 km
Innkreving av deltakaravgift vert sendt klubbane etter rennet.
Start etter alder, dei yngste først.
Arrangøren og skikrinsen viser til at rennet er fluorfritt t. o. m. 16 år.
Garderobe tilgjengeleg
Kiosk
Premieutdeling etter rennet
Påmelding: http://www.skiforbundet.no/sogn-og-fjordane
Eller til: nmslinde@frisurf.no
Frist for påmelding: 17. januar 2019
Velkomen til ein fin skidag på Kleppa!
Skiheisen ute av drift for sesongen
Det blei oppdaga sprekker i ei mast under vedlikehold av skiheisen på torsdag. Dette medfører at me må demontere masta ved påstigning.
Det betyr desverre at me ikkje kan ha åpent i påsken som planlagt. Heisen blir ute av drift resten av sesongen.
Skitrekket – oppdatering!
På grunn av nysnø og ønskje frå folk blir trekket halde ope torsdagane 18.00-20.30 i arbeidsvekene fram til påske.
Trekket blir med andre ord kun stengt tirsdags kveldar. Om helgene er det ope som vanlig.
Skitrekket tirsdag og torsdagar
På grunn av minkande besøk, vel heisgruppa å ikkje halde trekket ope på tirsdagar og torsdagar framover. Dei satsar på eit utvida tilbod i påsken.
Tredjeplass i Italia
Fleire frå Syril har vore i Nord-Italia og gått skiløpet Toblach – Cortina. Laurdag 03.02 var det 50 kilometer klassisk, som inngår i Ski Classics. I dag, søndag 04.02, var det 30 km friteknikk.
Torunn Grut tok tredjeplass samanlagt 50 km klassisk og 30 km friteknikk. Vi gratulerer med eit kjemperesultat!
Hjelm er viktig
Tenkte vi skulle dele eit eksempel på kvifor hjelm er viktig og påbudt i skibakken på Kleppa.
Bilete til høgre viser resultatet av samanstøyt med eit tre i «Mungo-løypa». Dette er ikkje ein del av skibakken, men terrenget aust for skitrekket, bak trekkhytta. Mange synes det er kjekt og utfordrande å køyre her. Det er mykje som stikk opp og ein kan vere uheldig.
Skikøyraren i eksempelet hekta i noko og kom siglande på rygg ned mot eit tre. Farten var forholdsvis liten. Hjelmen gjorde jobben sin og hindra skade på hovudet.
Ein hjelm til nokre hundre kroner er ei rimeleg investering. Om du har gløymt eller manglar hjelm, har Syril hjelmar i trekkhytta til gratis utlån for dagen.
Skikarusell på Kleppa 2018
Skikarusellen på Kleppa startar 13. januar. Det er planlagt 6 renn i løpet av vinteren:
- Laurdag 13. januar kl. 13-14
- Laurdag 20. januar kl. 13-14
- Laurdag 3. februar kl. 13-14
- Laurdag 10. februar kl. 13-14
- Laurdag 3. mars kl. 13-14
- Laurdag 10. mars kl. 13-14 med premieutdeling/sesongavslutning kl. 14.30.
Deltakarane møter til start ved skihytta på Kleppa mellom dei oppgitte klokkesletta.
Skikarusellen er eit tilbod for born til og med 4. klasse. Startnummer, som gjeld alle karusellane, kostar 100 kroner og vert seld i skihytta når det er karusellrenn. Startnummeret skal brukast på alle renna, og leverast inn etter siste rennet. Dei som har kjøpt Kleppakort treng ikkje betale for deltaking på skikarusellen.
Fjellturar
Inntil to fjellturar til Øvstestølen kan telje med i karusellen. Det er lagt ut bok i varmebua. Vi tel med registreringar frå boka vart lagt ut og fram til og med 10. mars.
Premiering
Det blir gitt eitt poeng pr. karusellrenn/fjelltur. Det vert premiering for alle med 4 poeng eller meir. Det vert premieutdeling laurdag 10. mars.
Kleppakort
Kleppakortet er eit universalkort, som dekker alle aktivitetar for heile familien (event. Barn/vaksen) på Kleppa ein vintersesong. Kortet dekkar slalombakken, skikarusellar og løypeavgift. De finn meir info her: https://syril.no/anlegg/kleppa/.
Opningstider i trekket
Vi gjer ei lita justering av opningstidene. Det betyr at du kan sove ein halv time lenger i helga 😉
| Opningstider | Frå | Til |
| Tysdag (kveld) | 18.00 | 20.30 |
| Torsdag (kveld) | 18.00 | 20.30 |
| Laurdag | 11.30 | 15.30 16.00 mars/april |
| Søndag | 11.30 | 15.30 16.00 mars/april |
Alle må retta seg etter skilt i bakken og respektere oppsette sperringar og andre sikringstiltak.
DET ER PÅBOD OM BRUK AV HJELM. (Gratis utlån også for vaksne)
Informasjon om Kleppa som inkluderer opningstider med meir finn du alltid her: Kleppa
Syril 
