Det er fare for ein god del nedbør og vind på laurdag, så me avlyser skikarusellen denne gongen. Det kan bli utriveleg for dei minste om det skulle slå over til regn.
Neste skikarusell er ikkje før 2. mars på grunn av vinterferien og ein handballturnering, men det blir truleg sett opp ein ekstra kveldskarusell i løpet av februar.
Elles er boka på Øvstestølen eit fint turmål i mellomtida.
Første skileik blir torsdag 4. januar, kl. 17.30 – 18.30. Fint om føresette til ferske skileikarar vert med.
Tidspunktet passar desverre ikkje so godt for 4. klasse. Difor kan det hende me finn ein anna dag for 4. klasse og oppover, om interessen er der. Isofall treng me fleire trenarar.
Syril har lufta trakkemaskina ein liten tur. Har du kjøpt ski, akebrett eller kjelke på Black Friday, kan du prøve det ut!
Denne sesongen fekk me gjennomført fem skikarusellar, der me trefte blink på alle fem.
Strålande ver, gode køyreforhold opp, fine løyper, godsaker i kiosken, 115 smilande og aktive deltakarar, og stort sett smilande føresette 🙂
Tusen takk til alle som har bidrege!
Laurdag 4. februar var det mykje liv på Kleppa. Først på dagen var det skikarusell med om lag hundre ungar. Seinare på dagen var det tid for Klepparenn, og slik som i fjor så var det lagt opp til skicross.
Skicross er ei løype med meir nedoverbakkar enn oppoverbakkar. Det er laussnøkjøring, kuler, litt slalåm, hopp og kast på blink. Det var over tretti deltakarar frå 5-15 år. Flest deltakarar frå Syril, men og ein del som tok turen frå Sogndal.
Ein flott skidag!
Me må diverre avlysa skikarusellen førstkommande laurdag 14.1 pga snømangel. Då er det berre å dansa snødansen, so set me opp ny karusell so snart dansen virkar❄️
Skikarusellen på Kleppa startar 7. januar. Det er planlagt 5 renn i løpet av vinteren. Følg med på Facebook, det kan komma endringar. Kiosken i skihytta blir open.
Deltakarane møter til start ved skihytta på Kleppa mellom dei oppgitte klokkesletta.
Skikarusellen er eit tilbod for born til og med 4. klasse. Startnummer, som gjeld alle karusellane, kostar 130 kroner og vert seld på Kleppa når det er karusellrenn. Startnummeret skal brukast på alle renna, og leverast inn etter siste rennet. Dersom du har startnummer frå tidlegare, så ta det med.
Inntil to fjellturar til Øvstestølen kan telje med i karusellen. Det er lagt ut bok i varmebua. Vi tel med registreringar heilt fram til premieutdeling.
Det blir gitt eitt poeng pr. karusellrenn/fjelltur. (det vert premiering for alle påmeldte deltakarar) Det vert premieutdeling laurdag 25. mars.
På grunn av andre arrangement har me flytta skikarusellen frå 19.mars til torsdag 17.mars kl. 17. Det vil sei at me sler det saman med skileik.
Kiosken blir open 🙂
Me ynskjer at flest mogeleg betalar startkontingent, 130 kr på Vipps nr 88235 (Idrettslaget Syril) Merk med Skikarusell 22 Namn.
Me manglar ein del startnummer, fint om du tek med om du har.
Ta også omsyn til at bilen er godt skodd før du køyrer opp, og parker med omsyn til at det kjem mange bilar denne dagen.
Vel møtt til ein kjekk skitur med mykje snø.
Og til slutt, me prøver å halda 1-meteren.
Skikarusellen på Kleppa startar 12. februar. Det er planlagt 5 renn i løpet av vinteren:
Laurdag 12. februar kl. 12-13
Laurdag 5. mars kl. 12-13
Laurdag 12. mars kl. 12-13
Laurdag 19. mars kl. 12-13
Laurdag 26. mars kl. 12-13 Premieutdeling/sesongavslutning kl. 13.30.
Deltakarane møter til start ved skihytta på Kleppa mellom dei oppgitte klokkesletta.
Skikarusellen er eit tilbod for born til og med 4. klasse. Startnummer, som gjeld alle karusellane, kostar 130 kroner og vert seld på Kleppa når det er karusellrenn. Startnummeret skal brukast på alle renna, og leverast inn etter siste rennet.
Fjellturar
Inntil to fjellturar til Øvstestølen kan telje med i karusellen. Det er lagt ut bok i varmebua. Vi tel med registreringar frå boka vart lagt ut og fram til og med 25. mars.
Premiering
Det blir gitt eitt poeng pr. karusellrenn/fjelltur. Det vert premiering for alle påmeldte deltakarar. Det vert premieutdeling laurdag 26. mars.
Syril 