Kategoriarkiv: Fotball

Fotball

Kjøp andel i kunstgrasbane

 

0515060
Anlegget bada i vårsol

Kunstgrasbana er eit stort økonomisk løft for ein liten klubb i Syril. Mykje er finansiert av Leikanger kommune/Sognekraft, Sparebanken Sogn og Fjordane samt tippemidlar. Men vi har ikkje fått midlar til innbytarbenker, kiosk og tribune. Vi håpar du vil vere med å hjelpe oss slik at vi slepp å legge enno meir på treningsavgiftene til spelarane.

Om felt

Bana er delt opp i hovedsak i felt som du kan «kjøpe» for kr 3 000. Eit kjøp betyr at du får namnet ditt på plakat som vert lagt ut på syril.no og på veggen i kiosken. Det er lov å vere anonym eller bruke alias. Du kan kjøpe fleire felt. 

Særfelta, det vil seie midtsirkel, straffefelt, 16-metrane og hjørna, vert selde som samla einingar og er særleg mynta på bedrifter, lag, foreining, vennegjengar eller andre som slår seg i lag for å få hand i eit større samla område. Midtsirkelen kostar kr 30 000 medan dei andre kostar kr 15 000. Det vert høve til bedriftsprofilering av desse felta. Det inneber logo på plakat på nettsidene våre og på plakaten i kiosken. Det vil òg vere høve til å få avtale om stadionreklame i tillegg.

Framgangsmåte

  • Betal til bankgiro 3705.10.13124
  • Merk innbetaling i rubrikken Melding/Beløpet gjelder med «Andel kunstgrasbane» og ønska andelsnummer eller «særfelt». Først til mølla! Er andelen allereie kjøpt, tildeler vi fortløpande.
  • Merk også med «Namn på Andelseigar» i feltet Melding/Beløpet gjelder.

Sjekk ledige felt her

Ta kontakt med Nils Magne Slinde (901 54 550) om du har spørsmål.

Fotball

Syril fotball sin sportsplan

Sportsplanen og tillegg til sportsplan som vart vedteke på årsmøte finn ein her : https://syril.no/ball/fotball/

Det er sett ned ei gruppe som skal revidere sportsplanen, og legge den fram på årsmøte neste år. Denne gruppa består av Jan Tore Slinde og Kjetil Berg frå styret. Med seg i gruppa har dei personar , som i hovudsak er trenarar som representerar både vaksen-, ungdoms-, og barnefotballen i Syril. Sportsleg leiar Jan Tore Slinde leiar denne gruppa, og dei skal etter planen sette i gang med revideringa etter 17.mai.

 

Fotball

Syril sitt damelag spelar kamp i dag

Syril sitt damelag spelar sin første kamp for sesongen i dag. Dei møter Lærdal på heimebane kl.18. Det er første gong sidan 2010 at Syril har eit damelag. Håpar dei får ein god sesong,og at grunnlaget vert lagt for vidare satsing på damelag i Syril. Møt opp på kampen i dag og støtt opp om damelaget vårt.

Fotball

Ny kiosk/speakerbygg under bygging

Her nokre bilde frå dugnaden laurdag 09.april 2016 på nye kiosk/speakerbygget som vert sett opp ved sida av kunstgrasbana.

  1. Bilde av Nils Magne er «første spikar» frå nye spikarpistolen han kjøpte seg for pengane han fekk for Leikangerprisen 2015. Gratulera med skikkeleg utstyr.
  2. Øvrige bilder er frå bygget same dag.

Tusen takk til Lene for glimrande servering til dugnadsgjengen.