Alle som spelar og trenar på stadion veit at kunstgrasdekke er veldig klar for utskifting – Det har sett sine beste dagar, samstundes må ein sei at det jammen har levert varene med tusenvis av timar med treningar, kampar, leik og anna aktivitet.
Dette året jobbar vi med forarbeid knytt til søknadar, økonomi og val av dekke. Det har vore ein brei dialog med mange aktørar; mellom anna krets, forbund og fylkeskommune, samt at me har hausta erfaringar frå andre klubbar. Som mange veit er gummigranulat på veg ut, og det gjer prosessen desto viktigare knytt til val av type kunstgras.
Syril har etablert ei prosjektgruppe som jobbar dedikert med arbeidet. Gruppa består av leiar Sturle Rode Rio, Nils Magne Slinde, Sindre Ramung og Jon Edvin Jørgensen. Dei gjer ein fantastisk jobb som gjer at vi sommaren 2026 etter planen vil ha eit nytt moderne kunstgrasdekke og nytt lysanlegg på Syril stadion! Dette vil vera eit stort løft for både fotballen og bygda.
Denne veka har vi hatt storfint besøk frå anleggsgruppa i NFF som var på befaring for å utføre ein tilstandsrapport, og prosjektet jobbar målretta vidare mot realisering av prosjektet neste sommar.
Dette vil bli eit stort løft for oss – og kjem til stor glede for alle våre fantastiske fotballspelarar, trenarar og andre frivillige.
Syril 