Har du tidlegare spelt handball, eller har du berre lyst til å røre litt på deg i godt lag?

Vi i Syril trivselshandball treng fleire damer på laget vårt!

Vi trenar måndagar kl. 19:30–21:00 i Saften – eit lågterskeltilbod for deg som vil børste støvet av gamle handballsko (eller prøve noko nytt utan press).

Vi er ein kjekk gjeng jenter og damer frå 16 år og oppover, og vi lovar god stemning, mykje latter og null stress! Høyrest dette fristande ut? Kom gjerne innom på ei trening eller to og sjå om det passar for deg!

For dei som vil, spelar vi nokre trivselskampar i løpet av året – berre for moro skuld. Kampane i år er:

• 07.11 Sogndal
• 05.12 Gaupne
• 06.02 Tangen
• 06.03 Leikanger

Bli med i gruppa vår på Spond (kode: QBLCL) eller ta kontakt med:

• Cecilie Dreyer Sørensen – 98269775
• Sigrun Espe – 99044666
• Kristine Røyseth – 95073069

Alle er velkomne – her handlar det om å ha det gøy saman! Og i tillegg ønsker me å få til ei juleavslutning med laget, og kanskje andre samankomstar for å treffast og bli bedre kjent utenfor bana.

Komande helg kastar me i gang sesongen med dommarsamling, treningsøkter, kampar, Rose sløyfe-aksjon. treningsøkter, HLR-kurs, lagleiarmøte samt Løp for meg: https://syril.no/arrangement/avkast/

Syril handball og AVKAST 2022 har fokus på positivitet rundt frivillighet og gleda av å skape noko saman.

Følg lenkja for å donere til løpet vårt, og å delta i løpet for å bli med i trekning av fine premiar: Spring for meg – avkast 2022

Barnekreftforeningen er ein frivillig organisasjon som jobbar for å sette fokus på barnekreft og som bidreg til forskning og utdanning for å bekjempe barnekreft. Foreningen er ein uvurderleg støttepartner for råka familiar, og inkluderar heile familien i samlingar og positive opplevingar i ein tøff kvardag.

Syril handball ynskjer å vere med å støtte deira viktige arbeid, og me håpar at mange vil delta i lag med oss. Vi arrangerer difor «Spring for meg» i Leikangerhallen kl 1430!

Litt om løypa: Vi møtes i Vrimleområdet (utanfor inngangen til garderobane) i Saften. Løypa startar med eit par rundar med musikk i hallen, før vi går ut og føl merka løype bort til Askedalen barnehage. Du vel sjølv om du vil springe, gå, trille eller danse deg gjennom løypa. Ein kan også velje sjølv kor langt ein ynskjer å forflytte seg :). Løpet blir avslutta med trekning av premiar utanfor Askedalen barnehage. 

Følg med på syril.no/avkast for oppdatert informasjon om arrangementet.

Dagens kamp, 27.11, mellom Syril – Florø 2 (4. div kvinner) har fått flytta starttidspunktet frå 10:30 til 11:30.

Velkommen til Avkast med Frode Kyvåg ikveld kl 18!

Det er kjekt å sjå at så mange har meldt seg på! Vi har kiosk med kaffe, brus og kaker. Dei som er betalande gjester vippsar til Syril handball: 131863, merk billett. Inngang 3. etasje. Vi gledar oss!

Syril handball kastar i gang sesongen med brask og bram! Er du klar til å vere med?

Me er så glade for at me igjen kan samle oss i hallen, og ynskjer å gi medlemmane våre (og andre interesserte) ein pangstart med mykje påfyll og læring!

Samarbeid og utvikling er nøkkelord for desse to dagane, 17. og 18. september:

• samarbeid mellom klubb og foreldre ifht dugnad og frivilligheit, engasjement for å få ting til!
• utvikling av foreldretrenarane, gi alle litt input og noko å bygge vidare på
• utvikling av spelarar, både handballmessig og ifht skadeforebygging og restitusjon.
• samarbeid og lagbygging: korleis kan me jobbe i lag for å motivere, engasjere og bygge kvarandre opp?

Dette er noko av det som Frode Kyvåg, Christian Berge, Øyvind Vraalsen og Ole Kristian Gjerstad vil ta oss gjennom i sine foredrag og økter. Her snakkar me høg kompetanse og mykje god læring! Dette vil du ikkje gå glipp av!!

Følg instruksjonene i påmeldingsskjema og meld deg på! Gratis for medlemmer av Syril!

Plakat

17.-18.september kastar Syril handball i gong sesongen med eit fullspekka arrangement som me naturleg nok har kalla

                          -A V K A S T-

Frode Kyvåg kjem fredag, og programmet for laurdagen vil tilby noko for både liten og stor. Her er det planlagt innlegg og aktivitet frå 9 år og oppover, og me har dialog med fleire kjende namn!

Arrangementet vil ha fokus på handball som idrett, men vil likevel vera lærerikt og nyttig for dei som er involverte i andre idrettar. Dette vil bli spesifisert i programmet som vert sendt ut seinare.

Me gledar oss stort til desse dagane, og håpar at de set av tida til å vere med å feire oppstarten på ein ny, og forhåpentlegvis betre, sesong!

Meir informasjon om program og påmelding kjem.