Tid: Tysdag 2. desember kl. 19

Stad: Skrivarvegen 2 (Digdir) / Teams

Agenda
Sak 1: Godkjenning av investeringsprosjekt for kunstgrasbana og det tilhøyrande lysanlegget

Protokoll frå ekstraordinært årsmøte:

Vi håpar at alle har komme seg trygt gjennom romjula og nyttårsfeiringa, og at de er klare til å starte 2025. Det er vi!

Vi ynskjer å nytte anledninga til å takke alle medlemmane våre for støtte og bidrag i år, igjen. Både dei faste beløpa de gir til Syril år etter år, at de stiller opp som utøvar, støtteapparat eller publikum. Tilbakemeldingane vi får når vi møter dykk ute er også kjærkomne. Då kjem det både tips og innspel til arbeidet vårt, ris og ros.

Vi høyrer stadig om at dugnadsanda er nedgåande – vi er i ferd med å gå frå å vera støttande og oppmuntrande til å vera kravstore kundar. Status som frivillig er ikkje som den var. Det kan godt vera er tilfelle nasjonalt, men her i Leikanger opplev vi ikkje at stoda er heilt slik. Vi opplev ei bygd som stiller opp og som bidreg der det er behov, og litt til :). Vi får klapp på skuldrane når vi møter innbyggjarar på butikken, og vi får skryt for at vi tek på oss verva og oppgåvene vi gjer. Etter kvar einaste arrangement i hallen, på bana eller  på Kleppa kjem det nokon som ynskjer å takke for innsatsen og for eit flott arrangement. Det varmar! Den skryten skal ikkje stoppe hjå oss, men skal velfortent fordelast vidare til alle dykk som gjer dette mogleg og som verkeleg fortener den.

2024 har vore eit hendingsrikt år i Syril, og vi forventar at 2025 blir like eins. Og det gledar vi oss til. Hovudstyret har jobba i år med handlingsplan for Syril og vil samla presentere og vedta den på årsmøtet som kjem allereie i slutten av januar. Den vil gi oss retning og føringar for korleis vi skal jobbe med idretten i Syril dei kommande åra. Allidretten har fått stor plass i handlingsplanen, og målet er å løfte allidretten og få den meir integrert i alle idrettane, spesielt for dei yngste kulla. I tillegg har vi også store prosjekt i emninga – Syril stadion vil få seg eit kjærkommen løft dei kommande åra. Her er det dags for både bytte av dekke på kunstgrasbana og oppgradering av klubbhuset.

I og med at årsmøtet kjem litt tidlegare enn vanleg, i slutten av februar, så vil det også vera enkelte som får telefon frå valkomiteen dei neste vekene. Og grunnen til at akkurat du blir ringt, er ikkje tilfeldig. Mest sannsynleg har du blitt føreslått av nokon som kjenner deg og som tenkjer du vil vera godt egna. Men, det kan godt vera tilfeldig at du ikkje blir oppringt. Mest sannsynleg fordi vi veit du allereie har mykje på gang, eller at vi rett og slett ikkje kjenner deg. Då må du gjerne ta kontakt! Å delta som frivillig er ein ypparleg måte å bli kjent med bygda og innbyggjarane på, og det er sosialt og morosamt! Du treng heller ikkje ha born i idretten for å stille opp:). Dei aller fleste verva er allereie tekne – mange ynskjer å halde fram, som er gledeleg – men, nokre har med tungt hjarte måtte sei nei til vidare innsats akkurat no. Det skjønnar vi godt – alt til sin tid.

Heilt til sist ynskjer vi å takke våre gode sponsorar. Støtta de gir er uvurdereleg og vi kan ikkje få takka dykk nok for bidraga de gir.

Helsing Elianne og Sindre, leiar og nestleiar i Syril.

Sparebank1 Sogn og Fjordane har signert ein ny 3-årig hovudsponsoravtale med Syril, som gjeld for perioden 2025-27.

– Sparebank 1 Sogn og Fjordane er veldig glade og stolte for å inngå ny avtale med Syril. Kjekt å få vera med vidare, og få vera med å vidareutvikla idrettslaget, seier Laila Ruud, banksjef for privatmarknaden i Sparebank1 Sogn og Fjordane.

–  Samarbeidet mellom Sparebank1 Sogn og Fjordane og idrettslaget Syril vidarefører eit langt og godt samarbeid, som har røter heilt tilbake til Syril sine første dagar. Dette er eit sterkt døme på korleis idrett og næringsliv kan spele saman for å skape verdiar og utvikling, seier leiar i Syril, Elianne Eggum.

Syril oppmodar alle medlemmar og støttespelarar til å velje Sparebank1 Sogn og Fjordane!

Spørsmål om avtalen kan eventuelt rettast til leiar Elianne Eggum, (post@syril.no).

Intersport har inngått hovudsponsoravtale med idrettslaget Syril. – Det har vore eit vakuum etter at Erling Røysum la ned sportsdelen av butikken rundt nyttår, men vi er no veldig glade for at vi endeleg kan annonsere at Intersport tek over der Erling Røysum slutta, seier Elianne Eggum, leiar i Syril.

– Vi har hatt eit veldig godt samarbeid med Erling Røysum i mange år, og vi opplev allereie at vi er i gode hender no når Intersport blir del av sponsorpakken vår, fortset Eggum.

– Intersport har allereie vore sponsor på mange av Syril sine arrangement tidlegare, og det er i så måte ikkje heilt upløgd mark for nokon av oss. Vi har sett fram til å kunne annonsere at Intersport no blir ny sportssponsor for Syril, seier Reidar Dvergedal, dagleg leiar hjå Intersport.

Gjennom avtalen får Syril tilgang til treningsklede, -sko og anna idrettsutstyr på gunstige vilkår. Også Syril sine medlemmar får nyte godt av rabattar på klubbkolleksjonen som Intersport tilbyr Syril.

Intersport og utstyrsleverandørar som Umbro og Craft vil få marknadsføre og profilere merkevarene sine gjennom Syril.  Nokon har kanskje sett at Intersport-logoen allereie har dukka opp på dei nye Syril-draktene. I tillegg vil Intersport-logoen framover dukke opp på anlegga til Syril.

– Vi ser fram til eit godt samarbeid med Syril, og gler oss til å vera meir synlege ute på Leikanger, seier Reidar Dvergsdal.

Leiar i Syril, Elianne Eggum, takka av Erling Røysum AS som mangeårig hovudsponsor og utstyrsleverandør til Syril. Her er helsinga hennar til Røysumen:

Det er med blanding av takksemd og vemod at vi no takkar deg av som hovudsponsor. Etter mange år med eit fantastisk samarbeid, så var tiden inne for deg å søke nye utfordringar. På vegne av heile Syril ynskjer vi å takke Erling Røysum, eller Røysumen, for ei utruleg god støtte opp gjennom åra. Logoen har vore på drakter og veggar så lenge vi som går i Syril-klede kan hugse, og din støtte, Lars Johnny, har vore upåklageleg i alle desse åra.

Opp gjennom åra har vi ikkje berre hatt gleda av å ha deg som sponsor, men og som ein viktig del av vår idrettslege fellesskap. Din positive og støttande haldning har vore til inspirasjon for oss alle. Med logoen din på drakta, så har du vore med oss i opp- og nedturar. Du har ikkje berre vore ein sponsor, men ein medspelar i alle desse åra, og det vil verta vanskeleg å erstatte deg heilt.

– På vegne av Syril, så ynskjer eg å sei takk for tida som hovudsponsor i Syril, og så håpar eg at Røysum-logoen framleis blir med oss, om ikkje på spelardraktene, så på andre flater i Syril.

Vi har vita ei stund no at det kom til å verta endringar etter omlegging av butikk, men vi venta så lenge vi kunne før til slutt måtte innsjå at vi måtte finne erstatning for vår lokale butikk. No har Lars Johnny og Røysumen no gitt stafettpinnen vidare til ny sportsleverandør.

21. mars vart det gjennomført årsmøte i Syril. Møtet vart halde på Leikanger fjordhotell. Det møtte representantar frå alle gruppene i laget.

Val

Det vart gjennomført val og valkomiteen hadde gjort ein god jobb i å få namn bak verva som stod ledige. Torill Felde, som var leiar for valkomiteen, tykte dette gjekk så fint, at ho til like greit takka ja til å halde fram som leiar :).

I år var det mange som takka ja til å halde fram med vervet sitt, noko som er veldig gledeleg og godt for samarbeidet i gruppa. Men, nokre valde å takke for seg etter lang og tru teneste, og vi ynskjer spesielt å takke Karl Erik Johnsen for den gode innsatsen han har lagt ned i Syril alle desse åra han har vore med. Men, heilt ute av Syril er han ikkje, då han takka ja til å framleis sitte i prosjektgruppa for KO. Den fulle oversikten over kven som er vald inn i Syril ser de lenger nede.

Arbeid framover i Syril

Referatet frå møtet ligg tilgjengeleg, men nokre av hovudpunkta frå møtet var at det framover vil bli jobba med å få på plass klubbhus på Syril stadion og oppgradering av skihytta på Kleppa. I tillegg fekk vi på plass ei ny særgruppe i Syril, og vi ynskjer Martin Stølen og volleyballgruppa velkommen som eiga gruppe i klubben.

Det vil framover også bli lagt ned ein innsats i å tydleggjere kva Syril som fleiridrettsklubb står for, og gjera det lettare å få oversikt over kva vi tilbyr som klubb. Arbeidet vil ende opp i ein handlingsplan for klubben, som vi håpar å få presentert til hausten. Her vil det bli lagt opp til ei brei involvering av alle i hovudstyret, men vi vil også oppfordre medlemmane elles til å komme med innspel.

Innvalde i Syril hovudstyre

Referat og årsmelding

Referat/protokoll årsmøte 2024

Årsmelding Syril 2023

«Alle med oppgåver i idretten som inneber eit tillits- eller ansvarsforhold til mindreårige eller mennesker med utviklingshemming, skal syne fram politiattest.» I tillegg skal alle trenarar ha gjennomført trenarattest.

I 2021 vart det vedteke av idrettstinget at det er obligatorisk for alle trenarar å ta Trenarattesten. Trenaratttesten tek deg gjennom dei viktigaste oppgavene og forventningane til deg som trenar. I tillegg får du tilgang til ei ressurside som kan nyttast etter behov.

Trenarattesten er delt inn i tre nivå – ein for trenarar i barneidretten, ein for trenarar i ungdomsidretten og ein for trenarar i vaksenidretten. Du tek attest for det nivået du trenar. Husk å knytt attesten opp mot Syril. Det tek kun 10-20 min å gjennomføre Trenarattesten. Kanskje passar det å ta attesten no?

Gå til Trenarattest: https://www.idrettsforbundet.no/digital/trenerattest/

Gå til Politiattest:
https://www.idrettsforbundet.no/tema/politiattest/

Les meir om politiattest i Syril:
https://syril.no/idrettslaget/politiattest/

Har du vist fram politiattest, og gjennomført Trenarattest, men det syner ikkje i MinIdrett? Ta kontakt med gruppeleiaren din, så ordnar vi det.

Det er meldt mildvêr og mykje nedbør framover, og i kveld kan vera siste dagen trekket held opent for sesongen. Det er framleis mars, og vi veit av erfaring av snøen fort kan komme attende, men lit du på det?

Ta turen til Kleppa i kveld! ⛷️