---

Kan du tenkje deg å delta på årets TINE Fotballskule? Ikkje nøl, meld deg på!

I år som i tidlegare år ønskjer vi å skape inkludering, samhold, vennskap, fysisk aktivitet og fotballglede hjå barn og unge ved å arrangere fotballskule saman med TINE.

TINE Fotballskulen startar måndag 11. august og varer til og med torsdag 14. august (veke 33). 

Fotballskulen er for ALLE born født mellom 2013 og 2019 (6 – 12 år). (Maks 150 deltakara).

For deltakara født i 2013 – 2017:
Alle dagar oppmøte kl. 09.45 og fotballskulen er frå kl. 10.00 til 14.00.

For deltakara født i 2018 og 2019:
Måndag – onsdag oppmøte 10.45 og fotballskulen er frå kl. 11.00 – 13.00.
Torsdag er det oppmøte kl. 11.30 og fotballskulen er då fram til ca. kl. 14.00. 

Fotballskulen blir avslutta på torsdagen med turnering, grilling (vêrforbehold) og utdeling av diplom.

Kostnad
Deltakaravgifta for barn født i 2013 – 2017 er kr 1100,- per deltakar. Vi har søskenmoderasjon, med reduksjon til kr 700,- for barn nummer to (eller fleire) i same familie. Deltakaravgift for barn født i 2018 og 2019 er sett til kr 550,-.

Påmelding og betaling
Påmeldingsskjema finn de her: Påmeldingsskjema

Det er bindande påmelding, med frist for innbetaling av deltakaravgifta til konto 3781 14 13101 seinast 4. august 2025. Hugs å skrive på deltakarinformasjonen (fotballskule, namn og årskull)!
Etter at innbetaling er mottatt, vil det bli sendt ut ei stadfesting på at plassen er reservert. Dersom det ikkje er motteke innbetaling innan fristen, kan plassen bli tildelt andre!

Anna informasjon
Alle deltakarar får utdelt profilprodukt frå TINE (sekk og t-skjorte). I tillegg vil kvar deltakar få utdelt ein eigen fotball som skal nyttast under fotballskulen.

Kosthold er eit av fokusområde for TINE Fotballskule og det blir kvar dag servert felles lunsj. Alle deltakarane får kvar dag utdelt eit drikkeprodukt frå TINE i samband med lunsj.

VIKTIG!
I år er Litago bytta ut med TINE Lettmjelk med sjokoladesmak. Denne er ikkje laktosefri, men er laktoseredusert. Meir informasjon om produktet her: TINE Lettmjelk sjokolade

Det vil i løpet av dagen bli servert frukt. Det er viktig med påfyll av veske undervegs, så ta med eiga drikkeflaske.

Syril fotball står for den praktiske gjennomføringa, deltakarane vil bli delte inn i grupper etter alder og vil delta i aktivitet med andre frå same klassetrinn. Ved få deltakara i eit kull, kan det bli aktuelt å slå dette saman med ein anna kull.

Det blir lagt opp til eigne keeperøkter. Dei som ynskjer å delta på dette, lyt hake av for dette i påmeldingsskjemaet.

Vi ber foreldre/føresette om å sjølv vera til stades der barn har spesielle behov eller behov for ekstra oppfølging. Dette for å sikra ei god oppleving for alle.

Det er ikkje tillate med mobilbruk i det tidsrommet fotballskulen går føre seg. Ein kan ved behov ha med mobiltelefon i sekken. Det vil bli opplyst om telefonnummer til ansvarlege vaksne som føresette kan ta kontakt med.

Nærare informasjon om opplegg for dagane m.m. vil bli informert ut når dette er klart. Følg elles med på Facebooksida til Syril eller på nettsida til Syril.

Syril fotball ynskjer alle velkomne til å bruke dei siste dagane av skuleferien til kjekk og variert fotballaktivitet saman med mange andre fotballvener på vår TINE Fotballskule.

Med sportsleg helsing
Fotballgruppa i Syril